ЖОЛБАРЫС НЕГЕ ШҰБАР, ЖИРАФ НЕГЕ ТЕҢБІЛ?
Категориясы: Жануарлар
Мұндай түстер аң, құстардың жауынан қорғану үшін ғана емес, аң аулауы үшін де қажет.
Егер көздеген аңы қасына таяу тұрса, бас салар-ақ едік. Бірақ ешбір аңның қасына жақындай алар ма екен? Аппақ жолбарыс алыстан көзге түсіп, аң біткен қашып кетеді ғой. Джунглиде бұралып аш күйінде жүре бергеннен басқа қолынан ештеңе келмес еді. Ал кәдімгі тарғыл жолбарыс қандай аңды болса да оңай ұстап жеп, тоқ жүреді. Неліктен? Себебі, оның үсті тарғыл. Зәулім бамбуктердің жіп-жіңішке сабақтарының көлеңкесі ыстық жерге жолақ-жолақ болып түседі. Ол жолақтардың арасына күн нұры құйылып тұрады. Ондай жерде жасырынып жатқан жолбарыстың ең қырағы деген көз де бірден шала алмайды. Күнде жүретін үйреншікті жолымен су ішуге бара жатқан сақ құлақ бұғы да, өте сақ бөкен де жолындағы қауіпті байқай бермейді. Қасына таяп қалғанда, жолбарыс оларды тарпа бас салады.
Қабыланның да жасырынуы жолбарыстан кем емес. Оның терісі сұрғылт та сарғыш, қапқара теңбілді келеді. Ағаш басында немесе жерде жасырынып тұрған теңбіл аңшыны ешкім байқай алмайды. Үстіндегі қара дақтарын жапырақтардың көлеңкесі екен деп ойлайды.
Аңды бір жерде жасырынып, аңдып жатып немесе бұғып келіп аулайтын жыртқыштарға үстеріндегі түрлі түсті бояулап осылай көмектеседі.
Ондай бояулардың аңдарды сақтап қалатын кездері де аз емес. Мәселен, жирафты алайык. Жирафтар Африкада шөптері биік өскен жазықтарда, кіші-гірім тоғайлардың арасында тіршілік етеді. Ағаш жапырақтарын жеп қоректенеді. Күн нұрына малынған ағаш жапырақтарынан жирафты айыру қиын. Есесіне, ол жан-жағына биіктен қарап, көз ұшындағыны көріп тұрады. Қауіпті сезсе болғаны, жүйтки жөнеледі. Содан соң жетіп көр. Жасырынып келген жыртқыштар онын тегеурінді тұяғынан таяқ жейді.
Жарияланған-2016-09-16 20:30:03 Қаралды-5513
ТАУ ҚАЛАЙ ПАЙДА БОЛДЫ?
Бәрінің сыры - жер қыртысында. Ол ешуақытта да тыныш жатпайды: кейде дір-дір сілкініп, бетіндегінің бәрін бір шайқап өтеді; кейде төмен ойысып, ал кейде қатпар-қатпар жиырыла қалады.
ШӘКЕН АЙМАНОВ
Шәкен Кенжетайұлы Айманов (1914-1970) - Қазақстанның белгілі актері әрі режиссері, халық әртісі. Ол 1914 жылы 15 ақпанда Баянауылда дүниеге келген. Бала кезінен өнерге жақын Шәкен көркемөнерпаздар үйірмесіне белсене араласады. Ғ.Мүсіреповтың арнайы шақыру
ҚҰСБЕГІЛІК
Құсбегілік көңілді, әсерлі, қызығы мол демалыс болып табылады. Осынау киын да қызықты өнерге балалардың жас кезінен көзін қанықтырып, танымын шыңдап отырған. Аңшылық-саятшылық көшпелі өмір салтынын әрі күнкөрістік, әрі көңіл көтерерлік бір дәстүрі болумен
МҰЗ ҚАНДАЙ БОЛАДЫ?
Жер бетінде су және оның қатты көрінісі - мұз, бірақ әлі де бұл нәрсені жұмбақ табу қиын.
СУЛАРДЫҢ КЛАССИФИКАЦИЯСЫ
Әртүрлі агрегаттық күйдегі су бізді барлық жерде қоршап алады, тіпті біз оны әрдайым байқамаймыз.