ШӘКЕН АЙМАНОВ
Категориясы: Адамдар
Шәкен Кенжетайұлы Айманов (1914-1970) - Қазақстанның белгілі актері әрі режиссері, халық әртісі. Ол 1914 жылы 15 ақпанда Баянауылда дүниеге келген. Бала кезінен өнерге жақын Шәкен көркемөнерпаздар үйірмесіне белсене араласады. Ғ.Мүсіреповтың арнайы шақыруымен Алматыдағы Қазақ драма театрына актер болып қабылданады. Өмірінің ұзақ жылы театрда өтеді.
Бір-біріне ұқсамайтын сан алуан рөлдерді орындаған Ш. Айманов шығармашылық қабілетінің мол екендігін көрсете білді. Табиғи дарын, қабілетімен, өткір мінезді әрі сатиралық бейнелерімен көрерменнің құрметіне бөленді. Исатайдың, Ақан серінің және классикалық драматургияда Шекспирдің «Асауға тұсау» комедиясындағы Петруччионың сахналық портреттерін жасады. Әсіресе, Алдар Көсе мен Жамбыл бейнелері халыққа өте жақын. 1940 жылдан бастап Шәкен киноға түсіп, қазақ кино өнеріне мол үлес қосты. Ш.Айманов режиссер ретінде «Жамбыл» (1952), «Тақиялы періште» (1968), «Біздің кымбатты доктор» (1957), «Атаманның ақыры» (1970) сияқты киноүлгілерін шығарды. Бұл туындылар - нағыз өмір мектебі, біздің ұлттық байлығымыз.
Ол түсірген фильмдер Қазақстан, Орта Азия республикалары кинематографтарының арнаулы дипломына ие болған.
Ш. Айманов ҚСРО Мемлекеттік сыйлығының лауреаты (1952), КСРО Халық әртісі (1959) атақтарына ие болды. Оның атымен «Қазақфильм» киностудиясы аталады.
Жарияланған-2015-11-24 19:56:50 Қаралды-4807
ТАЛҚАННАН ЖАСАУҒА БОЛАТЫН ТӘТТІ ТАҒАМДАР
Қазақ халқының, әсіресе, қарт адамдардың сүйсініп жейтін тағамдарының бірі - тарының талқаны. Талқан қуырып ақтаған тарының сөгінен немесе оның айырып алған жармағынан диірменге тартып жасалады.
АЛАШ АВТОНОМИЯСЫ
Алаш автономиясы 1917 жылы -13 желтоқсанда Орынбор қаласында өткен II Жалпықазақ съезінде құрылды. Құрамына Бөкей елі (Еділ мен Жайық аралығы), Орал, Торғай, Ақмола, Семей, Жетісу, Сырдария облыстары кіретін болды. Өзін қорғауы үшін Алаш автономиясының Қа
ТЕҢІЗ КӨЛІ
Теңіз көлі Ақмола облысының аумағында орналасқан. Көлге Сарыарқадан басталатын Нұра өзені келіп кұйылады. Тереңдігі - 2-2,5 м. Теңіз көлінде 60-қа жуық кішігірім аралдар бар.
ДЕРМЕНЕ
Дермене – биіктігі жарты метрге жететін, көп жылдық, жартылай бұталы өсімдік. Тамыры жуан, көптеген қосымша тамырлары бар.
ЕЖЕЛГІ ҮРГЕНІШ
10 ғасырда жазған араб географтарының (Ибн Хордадбек, Макдиси) айтуынша, Үргеніш бүкіл Хорезмде көлемі жағынан екінші қала болған.
ХАЛЕЛ ДОСМҰХАМЕДОВ
Досмұхамедов Халел (1883-1939 жж.) - қоғам және мемлекет қайраткері. Х.Досмұхамедов - тарихшы, табиғаттанушы, тілтанушы, әдебиетші, ауыз әдебиетін жинап, насихаттаушы, аудармашы, дәрігер, ұстаз. Туған жері - казіргі Атырау облысының Қызылқоға ауданы.