АБАЙ ЕСКЕРТКІШІ

Категориясы: Адамдар

1960 жылы Алматыда Абай Құнанбайұлына қоладан құйылған ескерткіш қойылды (мүсінші - Х.Е. Наурызбаев, архитектор - Л.И.Белоцерковский). Ескерткіштің жалпы биіктігі - 13,7 м. Трапеция пішімді тұғыры қызыл граниттен қаланған. Сол қолында қолтығына кыса ұстаған кітап, оң қолы желбегей жамылған шапанының шалғайында, ақынның терең ой үстінде келе жатқан сәті бейнеленген. Абай ескерткіші - жеке адамға қойылған алғашқы көлемді ескерткіш. Осы алаңға кейін салынған Республика Сарайы, «Арман» кинотеатры, «Қазақстан» қонақ үйін жобалаған сәулетшілер де Абай ескерткішінің тасаланып қалмауын көздеді. Нәтижесінде, қазір бұл паң тек Абай ескерткіші емес, тұтас архитекторлық ансамбльдің көрнекті үлгісі болып тұр. Алматыдан кейін Абай ескерткіші 1968 жылы Қарағанды облысы Егіндібұлақ ауданы Абай кеңшарында мүсінші - П.Е. Куценко), 1971 жылы Семей облысы (қазіргі Шығыс Казақстан облысы), Абай поселкесінде (мүсінші - В.Ю. Рахманов) және 1977 жылы Семей қаласында (мүсінші - Д.Г. Әлбакидзе) 2010 ж. 19 маусымда Астанада (мүсінші - Б. Досжанов) 2000 ж. 10 маусымда Астанада (мүсінші - Г. Ермеков, архит - Н. Айжанов) тұрғызылды.

  Жарияланған-2015-11-24 15:32:28     Қаралды-10674