UF

ШАҚ-ШАҚ

Категориясы: Тағам


I түрі

Үн, сүт, қант, жұмыртқа, аздап арақ қосылып, жұмсақ қамыр иленеді. Ол бірнеше бөлікке бөлініп, 1 сантиметр қалыңдықта созылады. Созылған қамыр самырсын жаңғағының үлкендігіндей етіліп туралып, қуырылады. Бәрінің бірдей қуырылуы үшін араластырып тұру керек. Піскен шақ-шақтың түсі алтындай сарғаяды.

Жеке ыдысқа салынған бал қантпен қосылып қайнатылады. Балдың әзір болған-болмағанын білу үшін саусақтың ұшына бал жағып, аздап ысқылап көру қажет. Егер саусақтарды ажыратқанда арасында үзілмейтін «жіп» түзілсе, қайнату доғарылады. Балды тым көп қайнатуға болмайды. Өйткені ол күйіп, қарайып кетеді.

Қуырылған қамыр эмальды ыдысқа салынады да үстіне, дайындалған бал құйылады. Сөйтіп жақсылап араластырылады. Содан соң тағам ыдыстарға салынады да саусақтарды салқын суға малып алып, оны қалаған формаға келтіре беруге болады. Беті әр түрлі мәнпәсимен әсемделеді.

Шақ-шақ дайындау үшін 4 стакан ұн, 7 жүмыртқа, стаканның 1/4 бөлігіндей сүт, 1 ас қасық құм шекер, 2-3 стакан тортасы айрылған май (қуыру үшін), 2 стакан бал, 2 ас қасық арақ, мәнпәси кәмпиті (әсемдеу үшін) жұмсалады.

II түрі

Жұмыртқа, қант, май қант кристалдары көрінбей кеткенше мұқият араластырылады. Тұз, сүт немесе су қосылып, ұн салынады да кеспе жасауға арналғандай етіп тез-тез қатты қамыр иленеді.

Қамыр 40 минут «тынығып», содан соң 0,4 сантиметр қалыңдықта жайылады да жолақтың көлденеңінен ұзындығы 1,5 сантиметр, енін 0,4 сантиметрдей етіп кесіледі.

Кесілгендерін жайлап сілкіп, артық ұннан тазарту керек. Содан кейін бірдей болып пісуі үшін араластыра отырып, қатты қайнап жатқан тортасынан айырылған сарымайға салынып, 5-7 минут бойы қуырылады. Қуырылып болған соң сүзекімен сүзіп алынады.

Бал шақ-шақтың бірінші түрі үшін жасағандағыдай дайындалады. Ол жеке ыдысқа қантпен бірге салынып, саусақтардың арасына салып көргенде үзілмейтін «жіп» түзілетіндей болғанша қайнатылып, артық майы ағып болған тағамның үстіне құйылып, жақсылап араластырылады.

Шақ-шақ жасауға қырлы стаканмен 5 стакан ұн, 4 жұмыртқа, 0,5 стакан сүт немесе су, шай қасықтың 1/3 бөлігіндей тұз, 1 шай қасық қант, 2 шай қасық сарымай, 1,5 стакан бал, 2 ас қасық қант, қуыру үшін 1,5 стакан тортасынан айырған май жұмсалады.

  Жарияланған-2016-03-03 15:07:33     Қаралды-3591

Мәлімет сізге көмек берді ма

БЕКІРЕ

...

Бекіре (осётр) - аузы кіші, тұмсығы сүйір, дене тұрқы 2 м-ге, салмағы 12- 24, кейде 80 кг-ға дейін баратын көшпелі балық. Теңізде және оған құятын өзендерде өседі. Олар уылдырықтарын сәуір-мамыр айларында өзенге шашқаннан кейін теңізге қайта оралады.

ТОЛЫҒЫРАҚ »

Жеміс-жидектерді өңдеп алынатын өнімдер

...

Пюре - аздап қайнатылған және қорға арналған жеміс- жидек өнімдері, оның тек бір ғана түрінен жасалады.

ТОЛЫҒЫРАҚ »

ТӘТТІМБЕТ

...

Тәттімбет Қазанғапұлы (1815-1862) - шертпе күйдің негізін қалаған классик күйші-сазгер. Ол Қарағанды облысындағы Мыржық тауының бойында дүниеге келген. Ол жастайынан өнерлі ортада өскен. Оның ата-бабаларының ішінде кемеңгер билер, ақылды шешендер, қалжыңқ

ТОЛЫҒЫРАҚ »

СОЛТҮСТІК ҚАЗАҚСТАН ОБЛЫСЫ

...

Солтүстік Қазақстан облысы Қазақстанның қиыр солтүстігінде орналасқан. Облыс 1936 жылы 29 шілдеде құрылды. 1997 жылы кұрамына Көкшетау облысы қосылып, 1999 жылы оның үш ауданы мен Көкшетау қаласы Ақмола облысына берілді. Солтүстік Қазақстан облысының құра

ТОЛЫҒЫРАҚ »

ЕҢ ҮЛКЕН ПЛАНЕТА ҚАЙСЫ?

...

Бүкіл күн жүйесіндегі ең үлкен, ең ауыр планета – Юпитер (Есекқырған) екен.

ТОЛЫҒЫРАҚ »

«ҰЛЫ ЖІБЕК ЖОЛЫ» ДЕГЕНІМІЗ НЕ?

...

Қытайды Батыстан Орта Азия таулары мен шөлдер ұзақ уақыт бөліп тұрған.

ТОЛЫҒЫРАҚ »