БАС КИІМДЕРДІ ТАЗАЛАУ
Категориясы: Сән
Бас киімдерді әр түрлі әдіспен тазалауға болады. Мәселен, ер адамдардың фетр ши қалпағы кірлеп, кейбір жерлері май төгілгендей болып, жылтырап қалады. Ондай ши қалпақтың жалтырағанын кетіріп, бұрынғы қалпына келтіру үшін сол жылтырап тұрған жерін түрпі қағазбен аздап ысқылап жіберу керек немесе тұз сбуіп, қылы қатты щеткамен щеткелесе де болады. Мұны мүсәтір спиртіне теңбе-тең мөлшерде су қосып алып, сонымен тазалаған да жақсы. Ол үшін қалың мәутінің қиығын мүсәтір қосылған суға шылап алып, ши қалпақтың кір шалған жерін сонымен сүртіп тазалайды. Бұдан кейін оны құрғақ та таза шүберекпен сүртіп, кұрғақ щеткамен ысқылап тазалайды да, майыс- тырмай ғана бір нәрсеге іліп қойып кептіреді.
Ши қалпақтың айнала жиегі, әсіресе маңдай жағы адамның басының терлеуінен сортаңданып және майланып кетеді. Мұны мүсәтір спиртіне теңбе-тең мөлшерде денатурат қосып алып, сонымен сүртіп кетіруге болады.
Түбіттен және жүннен тоқылған беретті жуудың кажеті жоқ. Оны күйдірілген магнезияға қосып, қою паста жасап аласыз да, сонымен сүртіп тазалайсыз. Ал ақ түсті мехтан тігілген бас киімді жақсы сапалы крахмалмен тазалауға болады. Ол үшін кірлеген бас киімді крахмалмен бірнеше рет сүртесіз де, одан кейін әбден сілкіп, крахмалын түсіріп тастайсыз.
Ақ түсті сабаннан тоқылған ши қалпақты алдымен сабынды суға салып, щеткамен ысқылап жуады. Одан кейін ши қалпақтың ақ түсін қалпына келтіру үшін оған сутек асқын тотығының 4 проценттік ерітіндісін жағып, кептіреді де, жылы өтекпен басып қалпына келтіреді.
Жарияланған-2024-03-15 16:16:13 Қаралды-235
ТІРІ «МҰРАЖАЙҒА» АЙНАЛҒАН АҒАШ
Бұл ағашты алғаш рет 1690 жылы байқап көңіл аударған Жапониядағы голландия елшісі дәрігер Е.Кемпфер болған. Е.Кемпфер байқап қана қоймай, 1712 жьшы толық сипаттап «гинкго» - деп атаған. «Гинкго" - жапон тілінде «күміс жеміс» - деген мағынаны білдіреді.
ЖҮЗІМ НУГАСЫ
Туралған курага мен жүзімнен қайнатып жасалған төрт қырлы ұзыншалау кәмпит жүзім нугасы деп аталады.
СПЕЛЕОЛОГИЯ ТУРАЛЫ НЕ БІЛЕМІЗ?
Спелеология - үңгір тану. Үңгірлер туралы ілім. Бұл - дәл осы мағанасында бүгінгі ғылым тіліне орныққан ұғым. Орныққанды айтамыз-ау, спелеологияның өзі сала-сала болып, небір ғылыми пайымдауларға өріс ашып беріп отыр.
ӨРІКТЕН ӘР ТҮРЛІ ТАҒАМДАР ЖАСАУ
Жемісінің құрамында каротин (А провитамині), А1, В1, В2, С, Р, РР витаминдері, қант, алма, лимон қышқылдары, 24,9% протеин, 40% май, илік заттары болады.
