UF

СУРЕТШІ ИЛЛЮСТРАЦИЯНЫ ҚАЛАЙ ЖАСАЙДЫ?

Категориясы: Өнер


 

Біз суретті кітапты ашып қарағанымызда, басқа бір әлемге тап болғандай әсер аламыз. Әлгі суреттерде өлі кейіпкерлер тіріліп, кітапта айтылатын оқиға өткен ел мен жер қаз-қалпында сайрап көз алдымызда тұра қалады. Сүйтіп, автордың айтып отырғанының бәрі өзімізге етене таныс ахуалдай көрініп кетеді.

Кітаптағы мұндай суретті иллюстрация деп атайды.

Суретші оларды қалай жасайды?

Әуелі ол болашақ кітаптың қолжазбасын бірнеше рет қайталап оңып шығады. Сүйтіп, роман, повесть, әңгімедегі кейіпкерлермен ойша танысады. Ең бастысы - олардың мінез-құлқын біліп, тұлға-тұрпатын, бет әлпетін, қимыл-қозғалысын көз алдыңа елестете алу.

Суретші алдын-ала әлденеше жобалар жасайды, төңірегіндегі адамдар арасынан кітап кейіпкерлеріне ұқсайтындарды іздейді. Егер онда белгілі бір қала мен село, өзен мен тау сөз болатын болса, соны барып көріп, суретке салады.

Автор өткен замандар оқиғасын сөз ететін болса, суретші әңгіме боп отырған дәуірді шұқшия зерттейді. Музейлерді аралап, кітаптарды ақтарып, ол кезде адамдардың қалай киінгенінен, үйлердің қалай салынғанынан, қандай жиһаздар болғанынан мәлімет алады. Суретші өзі бейнелейтін нәрселерді өте жетік білуге тиісті. Оны тек автордың қол жазбасы ғана емес, өзі де, оның ойлары мен кейіпкерлері туралы пікірлері де қатты қызықтыруға тиісті.

Суретші Д. Дубинский Аркадий Гайдар шығармаларын иллюстрациялауға кіріскенде, жазушы қайтыс боп кеткен еді. Дубинский жазушы шығармаларын қайта-қайта оқып, оны көргендердің естелігін қызығатыңдады. А. Гайдар повестеріндегі балалар мен қыздарды өз ауласында тұратын балалар мен қыздардай етене жақсы біліп, жақсы көріп кетеді.

Әсіресе, оның «Чук пен Гек» повесіне салған иллюстрадиясы сондай тамаша. Ол екі баланың басынан өткен оқиғаны көрмесең де, көргендей қып, көз алдыңа мөлдіретіп тізе қояды. Міне, алғыр да пысық Чук, міне, бірдеңеге ұрынып жүрмесе басы ауыратын аңғал Гек.

Дубинскийдің бейнелеуінде олардың екеуі де өте сүйкімді балалар. Олардың жан-дүниесінің сұлулығы да жан-жақты ашылған.

 

Каменева Е. Кемпірқосақтың түсі қандай? -Алматы: Өнер, 1981. -168 б.

 

 

 

 

 

 

  Жарияланған-2016-11-03 17:32:26     Қаралды-3939

Мәлімет сізге көмек берді ма

НЕМІС ОВЧАРКАСЫ

...

Бұл овчарка өткен ғасырдың аяғында шығарылып, әуелі Германияның түрлі облыстарында қой бағатын бақташы ит ретінде пайдаланылды.

ТОЛЫҒЫРАҚ »

ЖЫЛНАМАЛАР ЖИНАҒЫ

...

«Жылнамалар жинагы» - бұл екі томнан тұратын кітап. Кітапты Иран хандарының сарайында жоғары қызмет істеген Фазлаллах Рашид әд-Дин жазған. Ол Жылнамалар жинағын» 1300-1301 жылдары бастап, 1310-1311 жылдары аяқтаған. Шамамен 10 жыл бойы еңбектенген.

ТОЛЫҒЫРАҚ »

КЕНДІ ҚАЛАЙ ӨНДІРЕДІ

...

Біз әуелі кен байлығы, яғни қазба байлық дегеніміз не екенін білейік. Біз өмір сүріп жатқан Жер, оның қыртысы алуан түрлі топырақтардан, тастардан, т.б. нәрселерден тұратынын білеміз. Олардың барлығы кен байлығына жатпайды.

ТОЛЫҒЫРАҚ »

ПАШМАҚ

...

Бұл - әбден қайнатылған карамель массасынан жіп-жіңішке жіп сияқты етіп созылып жасалған, бір-бірінен оңай ажырайтын тағам. Түсі - ақ.

ТОЛЫҒЫРАҚ »

ТАҺИР ХАН

...

Таһир (Тайыр) - Қазақ хандығының негізін салушы Жәнібек ханның Әдік деген ұлының баласы. Оның туған жылы белгісіз, шамамен 1531-1533 жылдар аралығында дүниеден өткен.

ТОЛЫҒЫРАҚ »

БІЛГЕ ҚАҒАН ЕСКЕРТКІШІ

...

Көне түркі жазулары ішінде көлемі мен мазмұны жағынан ең үлкен ескерткіш Түрік қағандығының атақты ханы Білге қағанға арналған. Арам ойлы жақын адамдары зұлымдык жасап, оны у беріп өлтірген. Қағанның құрметіне 735 жылы Орхон өзенінің жанына Кіші-Цайдам де

ТОЛЫҒЫРАҚ »