UF

ӨСІМДІККЕ ОРАЛҒАН ЕТ

Категориясы: Тағам


 


 

Жүзім жапырағына оралған қой еті (долма)

 

Құрамы:

фарш үшін - 300 грамм қой еті, 2-3 пияз, жүзімнің 12-15 жапырағы, 1 шымшым зире, тұз бен бұрыш татымына қарай; гарнирлік палау үшін - 1 кесе күріш, 3-4 түйір сәбіз, 2 ас қасық өсімдік майы, күріш ботқа үшін - 1 кесе күріш, 2 ас қасық тоң май, 2 кеседей сорпа.

Дайындау тәсілі:

Қой еті ұсақтап туралып, ұсақ көзді ет тартқышпен тартылады. Оған ұсақтап туралған пияз, зире салынады. Тұздалып, бұрышталады. Жақсылап араластырылады.

Жүзімнің жұмсақ орташа жапырақтары іріктеліп, сағағынан тазартылады, жуылады. Содан соң әрбір жапырақтың ортасына орта есеппен бір шай қасық фарш салынып, оралады. Біріктірілген жиектері төмен қаратылып, тақтай үстіне қатарлап қойылады. Үстінен алақанмен сәл-пәл басылып, тығыздалады. Сөйтіп біріктірілген жиектері бір-біріне қаратылып, екі-екі данадан қатты жіпке тізіледі. Содан кейін кастрюльдің түбіне тарелка қойылып, ішіне фаршталған жүзім салынып, бетіне тағы бір тарелка жабылады. Үстіне тарелкалар толық бататындай ауыр зат бастырылады да қайнатылады.

Дастарқанға қояр алдында еппен кастрюльден шығарылған голубцылардың жібі де аса сақтықпен алынады.

Бұл тағам дастарқанға гарнирмен де, гарнирсіз де қойылады. Гарнир ретінде күріш ботқа, етсіз палау пайдаланылады.


Помидорға салынған сиыр еті

 

Құрамы:

300 грамм сиыр еті, 12-15 помидор, 250 грамм құйрық май (125 грамы фаршқа, 125 грамы тұздыққа), 1 жұмыртқа, 1 сәбіз, 2-3 картоп, болгар бұрышының 1 түйнегі, ащы қызыл бұрыштың 1 түйнегі, тұз бен бұрыш татымына қарай.

Дайындау тәсілі:

Сиыр еті ұсақтап туралады да, еттартқышпен тартылады. Уақыт көтерсе еттартқышпен тартпай, қолмен өте ұсақтап тураған дұрыс. Сонда еттің өз сөлі өзінде болады. Енді етке ұсақтап кесілген құйрық май, пияз қосылады да, шикі жұмыртқа жарылып, құйылады. Шала піскен күріш қосылады. Тұздалып, бұрышталады. Жақсылап араластырылады да, беті жабылып қойылады.

Әбден қызарып піскен помидордың түбі дөңгелектеп кесіледі. Кішкентай пышақпен басқа жерін кесіп алмай, өзегі мен дәні алынып тасталынады. Сөйтіп помидор «тостағанға» аздап тұз себіледі де, бадамның үлкендігіндей құйрық май салынады. Содан соң манағы әзірленген фаршпең толтырылады.

Фаршталған помидорлар бу кастрюлінің үстіңгі бөлігінің қабаттарына ашық жағы төмен қаратылып қатарластырылып қойылады. Кастрюльдің төменгі бөлігіне төртбұрыштап туралған құйрық май салып ерітіліп, шыжығы сүзіп алынбастан, ұсақтап кесілген пияз, сәбіз, картоп, дөңгелектеп кесілген болгар бұрышы, тұтас қызыл бұрыш түйнектері салынып қуырылады да, аздап су құйылып, шамалы бұқтырылады.

Помидордың алынып тасталынған өзегі ұсақтап туралын не еттартқышпен тартылып, сөлімен қоса кастрюльге құйылады да, тұз себіледі. Бу кастрюлінің фаршталған помидор қойылған үстіңгі бөлімі төменгі бөлімінің үстіне қондырылады да 35-40 минут сөлінің буына пісіріледі.

Дастарқанға қояр алдында фаршталған помидор кастрюльден алынып, тарелкаларға салынады. Ал сөлі, яғни тұздығы бөлек ыдыспен әкелінеді.


Капуста жапырағына оралған қой еті (голубцы)

 

Құрамы:

фарш үшін - 300 грамм қой еті, 300 грамм капуста, жарты кесе күріш, 1 пияз, тұз бен бұрыш татымына қарай: тұздық үшін - 1 ас қасық ұн, 2 ас қасық томат пюресі, 1 ас қасық қаймақ, 1 кесе су.

Дайындау тәсілі:

Қой еті ұсақтап туралып, ет тартқышпен тартылады. Оған бір қайнатылған, яғни шала піскен күріш салынады. Тұздалып, бұрышталады. Ұсақтап туралған пияз қосылып, жақсылап араластырылады. Сөйтіп жарты сағаттай беті жабылып қойылады.

Осы кезде капустаның үлкенірек біреуі кастрюльдегі қайнап жатқан суға салынып, 5 минуттай тағы да қайнатылады. Содан кейін түсіріп алынады да, суы сорғытылып, әрбір жапырағы бөлек-бөлек сыдырылады. Олар стол үстіне жайылады да, әрқайсының ортасына ас қасықпен фарш салынып, бүктеліп оралады.

Таба отқа қойылып, үстіне май салынады. Ол қызып, еріген кезде әлгі дайындалған голубцы салынып, екі беті қызарғанша қуырылады да, кастрюльге қатарластырылып қойылады. Сөйтіп үстіне тұздық құйылып, 30-40 минут бұқтырылады.

Бұл тағамға арнайы тұздық дайындаған дұрыс. Ол үшін таба отқа қойылып қыздырылады да, қаймақ, томат пюресі, су құйылып, аздап ұн себіледі. Содан соң араластырыла отырып қайнатылады.

Дайын голубцы дастарқанға тарелкаларға салынып әкелінеді. Үстіне өзін бұқтырған тұздығынан құйылады.


Болгар бұрышына салынған сиыр еті

 

Құрамы:

300 грамм сиыр еті, 12-15 болгар бұрышы, жарты кесе күріш, 1 пияз, тұз бен бұрыш татымына қарай.

Дайындау тәсілі:

Сиырдың жұмсақ еті ұсақтап туралады немесе ет тартқышпен тартылады. Шала піскен күріш қосылады. Тұздалып, бұрышталады. Ұсақтап туралған пияз салынып, әбден араластырылады.

Болгар бұрышының жуандау жағы, яғни түбі дөңгелектеп кесіліп, үшкір пышақпен іші тазартылады. Содан кейін фаршпен толтырылып, кастрюльге ашық жағы жоғары қаратылып, қатар-қатар қойылады. Үстіне бұрыштардың деңгейінде су құйылады да, отты басыңқырап қойып, 40-50 минут бұқтырылады.

Бұл тағамға да голубцыға (капуста жапырағына оралған қой еті) дайындалғандай тұздың әзірленеді. Оның құрамы да, технологиясы да дәл сондай болады.

Тағам дайын болған соң тарелкаларға салынады да, үстіне тұздық құйылып, дастарқанға әкелінеді.

  Жарияланған-2016-09-22 10:06:26     Қаралды-223

Мәлімет сізге көмек берді ма

Загрузка...

ӘУЕДЕГІ ЯДРОЛЫҚ ЖАРЫЛЫС

...

Әуедегі ядролық жарылыс - жарқыл аймағы барынша жарқыраған сәтте жер бетіне (суға) жетпейтін жарылыс. Әуедегі ядролық жарылыс биіктігі ядролық қарудың қуатына байланысты жүздеген метрден бірнеше километрге дейіңгі аралықта болуы мүмкін.

ТОЛЫҒЫРАҚ »

АЛМА САМБУГЫ

...

Жуылып, ортасындағы өзегі алынған алмалар аздаған су қосылып пісіріледі де үккішпен үгіледі. Алманың ортасына және үккішпен үгілгеннен кейін қалған сығындының үстіне су құйылып

ТОЛЫҒЫРАҚ »

БАДАМДЫ ГРИЛЬЯЖ

...

Жармаланған бадам қосылған, қант-сірне шырынында қайнатылған, жалпақ төрт бұрышты шыны тәрізді қатты тағам.

ТОЛЫҒЫРАҚ »

ҚОРТПА

...

Бекіре тұқымдастардың ішіндегі өте ірісі - қортпа. Қортпаның (белуга) ұзындығы 4 м-ден астам, салмағы – 1-1,5 тоннаға дейін барады. Бірақ Каспий теңізінде аулағанда көбіне ауға салмағы 46-64 кг келетін қортпалар түседі. Терісі сауыт тәрізді келеді. Денесі

ТОЛЫҒЫРАҚ »

Пайғамбар жұлдызы

...

Голливудта даңқ Аллеясы бар деп барлығы естіген шығар (біреулер көрген де шығар), ол жерде әйгілілердің құрметіне арнап тротуарда аты бар жұлдыздар құйылған. Бірақ, бір жұлдыз ерекшеленіп тұр - ол «Долби» театрының қабырғасында орналасқан

ТОЛЫҒЫРАҚ »

АЛУА ӨНДІРУ

...

Біздің елімізде алуа ежелден өндіріліп келеді. Ол шығыстың тәтті тағамдарына жатады және құрамында 30-35 процент қант, 30-35 процент май, 15-20 процент шамасында азотты заттар болатын сіңімділігі жоғары өнім болып табылады. 100 килограмм алуаның калориялы

ТОЛЫҒЫРАҚ »