UF

ШЕГІРШІН – ПОДАГРАНЫ ЕМДЕУ ҮШІН ҚОЛДАНЫЛАДЫ

Категориясы: Өсімдікті


ШЕГІРШІН – ЛАБАЗНИК ВЯЗОЛИСТНЫЙ, ТАВОЛГА ВЯЗОЛИСТНАЯ

Шегіршін – биіктігі 1-2 метрге жететін, көп жылдық, шөп тектес өсімдік. Сабағы тік, жоғарғы жағында жайыла өседі. Жапырақтары қауырсын тәрізді, шеттері ара тісті, 2-4-тен жұпталып қарама-қарсы орналасқан. Жапырақтарының төменгі жағында ақшыл көк (бозғыл) түсті, киіз тәрізді ұйысқан қалың түгі бар. Гүлдері майда, ақ немесе сары түсті, өсімдіктің жоғарғы жағында шоғырлана өекен. Гүл жапырақшасы да, гүл тостағаншасының қалақшалары да бес-бестен. Жемісі көптеген кішкене жаңғақшалардан тұрады.

Шегіршін ылғалды шабындықтарда, орманның шеттерінде, сайларда, өзен жағасында, бұталардың арасында өседі. Дәрі жасау үшін оның жер бетіндегі бөлігін гүлдеген кезінде, ал тамырын ерте көктемде немесе күзде жинайды. Шегіршіннің құрамында гаультерин және спиреин деген глюкозидтер бар. Гаультериннен метильсалицилатты бөліп алуға болады. Сондықтан осы өсімдіктің тамырынан жасалған дәрідер аптекаларда салимент, капсин, бомбенги, бальзам, санитас деген аттармен сатылатын бірсыпыра метильсалицилатты дәрілердің орнына жүреді.

Ғылыми медицинада шегіршінді бұлшық еттер мен буындар ауырғанда денеге жағу үшін кеңінен қолданады. Халық медицинасында бұл өсімдіктің сулы тұнбалары мен май дәрілерін ревматизмді, қуық пен бүйрек ауруларын, геморройды емдеу үшін пайдаланады, асқазан қатты түйіліп ауырғанда да емге қолданылады. Сонымен қатар оның тер шығаратын, өт айдайтың қасиеттерін пайдаланып, денедегі ісіктерді қайтару үшін, сарыпты (подаграны) емдеу үшін пайдаланады. Әйелдердің ақ етеккірі келгенде, денеге шиқан шыққанда және дене сыртындағы іріңді жараларды емдеу үшін де пайдаланады. Жылан шаққанда немесе ит қапқанда денедегі жарақатқа өсімдіктің кептіріп ұнтақталған тамырын себеді.


Дәріні дайындау және қолдану тәсілі. 1 шай қасық шөп ұнтағын 1 стакан қайнап тұрған суға салып 20 минут тұндырады да, 1 күн ішінде біртіндегі түгел ішіп тауысады. Денедегі жараларды емдеу үшін өсімдіктің ұнтақталған 1 ас қасығын 1 литр суға салып, жарты сағат қайнатады да, даяр болған дәрімен денедегі әр турлі жарақаттарды жуады. Майдәрі жасау үшін өсімдіктің тамырын ұнтақтап, оның бір ас қасығын сиыр майының бес ас қасығына араластырады да, сырқыраған буындарға, шонданай нервісі қабынғанда белге жағады.

  Жарияланған-2016-07-15 15:20:15     Қаралды-1341

Мәлімет сізге көмек берді ма

Загрузка...

ТҮЙРЕУ ҚАРУЫ

...

Түйреу қаруының негізгі екі түрі бар. Сауытсыз жауынгерге қарсы найза, ал темір сауытпен жарақтанған адамға ұзын сапты, қырланган, бір немесе екі үшкір басы бар сүңгі қолданылған.

ТОЛЫҒЫРАҚ »

ЖАМБЫЛ ЖАБАЕВ (1846 -1945)

...

«XX ғасырдың Гомері» атанған жыр алыбы Жамбыл 1846 жылы Жамбыл тауының етегінде дүниеге келген. Жасында арнайы мектептен білім ала алмаған. Бірақ көңілі зерек, көкірегі ояу дарынды бала білім дариясынан терең сусындап өскен.

ТОЛЫҒЫРАҚ »

ЖЫЛНАМАЛАР ЖИНАҒЫ

...

«Жылнамалар жинагы» - бұл екі томнан тұратын кітап. Кітапты Иран хандарының сарайында жоғары қызмет істеген Фазлаллах Рашид әд-Дин жазған. Ол Жылнамалар жинағын» 1300-1301 жылдары бастап, 1310-1311 жылдары аяқтаған. Шамамен 10 жыл бойы еңбектенген.

ТОЛЫҒЫРАҚ »

МАҢҒЫСТАУ

...

Байлық тұнған түбек атанған ғажап өңір Маңғыстау Қазакстан Республикасының оңтүстік-батыс бөлігінде орналасқан. Ол «мың қыстау» сөзінен шыққан. Картадан қарағанда әйел адамның сүлбасы көз алдыңа елестейді.

ТОЛЫҒЫРАҚ »

АСТРАХНУЛИ (ЧАК-ЧАК)

...

Қамырдан жасалып, жіңішке кеспе түрінде кесілген, қайнап жатқан майға құырылған және кәдімгі ара балына пісірілген кәмпитті шығыс халқы осылай атайды. Құырып болғаннан кейін ыдыста май қалдығы қалады.

ТОЛЫҒЫРАҚ »

ЕЖЕЛГІ ОТЫРАР

...

Есте жоқ ерте заманнан бастап, Сыр бойында қыстап, көктем шыға малын Сарыарқаға, Оңтүстік Сібірге қарай, кузге таман - қайтадан Сырға қарай айдап-бағып күнелтуді дәстүрге айналдырған дала тайпалары өзара тікелей қарым-қатынаста болып келгендіктен, бірте-б

ТОЛЫҒЫРАҚ »