АЛХОРЫДАН ӘР ТҮРЛІ ТАҒАМДАР ЖАСАУ
Категориясы: Тағам
Алхорының жемістерінде алма, лимон қышқылдары, илік және бояу заттары, пектин, А және С витамині болады. Алхоры - өте дәмді тамақ болатын сапасы бар, бағалы жеміс. Оны жас және кептірілген күйінде, компот, тосап, джем, повидло, пастила, мармелад, маринад күйінде жеуге болады. Сонымен қатар шырынынан сусындар жасалады, шарап дайындауға болады.
Алхоры жемісі медицинада атеросклероз, құяң, бүйрек, бауыр, асқазан, ішек ауруларын емдеуге қолданылады.
Алхорыдан шырын алу әдісі. Піскен алхоры жемісін сүйегінен арылтқаннан кейін 60°-70°-та 7-10 минут қыздырады. Сонан соң ағаш тоқпақшамен жемістерді езіп, екі қабат дәкеден тіккен дорбаға салып, салқын жерге іліп қойып шырынын ағызып алады. Мезгіл сайын дорбаны сыртынан қысады. Немесе, дорбаны екі таза тақтай, болмаса тегіс тарелка арасына қояды. Үстіңгі тарелкені ауыр затпен бастырады. Екі тарелкені үлкен ыдыс үстіне қояды. Сонда шырын астыңғы тарелкеден ыдысқа төгіледі. Шыққан шырынды шөлмектерге құйып алып стерилизациялайды.
Алхорыдан сироп жасау. Жемісті тазалап жуады, сүйегін алып банкаларға салады. Үстіне құмшекер (қант) себіледі. Қант ерігеннен қейің, шырынын ағызып, шөлмектерге құяды да, аузын жауып, тығын үстіне смола құйып, салқын жерге қояды.
Жарияланған-2016-04-07 16:42:41 Қаралды-7537
Хан отбасы мүшелерінің ұшуының өз ережелері бар
Сол уақыттарда қарапайым адамдар сияқты жалпыға бірдей ұшу ережелерін сақтау тиіс еді, оған қоса хан отбасының өз ережелері бар.
ТЕМІРДІ ҚАЙДАН АЛАДЫ?
Жер-жаһанда темір ұшан-теңіз: ол - сар шағыл құм арасынан, қызғылт-құба топырақ ішінен, қоңыр тас - кремнийден табылады. Керек десең су құрамында да бар.
ТҮС КӨРУ ТУРАЛЫ 10 ҚЫЗЫҚТЫ ФАКТ
Адам өмірінің үштен бір бөлігін ұйқымен өткізеді, денесі бірнеше күн ғана тыныштықсыз өмір сүре алады.
