ЖАҢҒАҚ БӨЛКЕСІ
Категориясы: Тағам
Жаңғақ бөлкесін жасау үшін жылытылған сүтке ашытқы қосылып, ол әбден еріп кеткенше араластырылады. Оның үстіне кагор шарабы құйылып, қант, жұмыртқа, тұз, какао, ұн, ұнтақталған жаңғақ салынады. Содан соң масса араластырылып, столға салып иленеді. Қамыр ыдысқа салынып, салфеткамен жауып байланады да жылы жерге қойылады. Қамыр көтеріліп, көлемі екі есе үлкейгенде ол стол үстіне салынып, екінші рет иленеді де тағы да жылы жерге қойылады. Сөйтіп әбден бабына келгенше тұрады. Дайын болған қамыр аспаздың қалауынша формаға келтіріледі. Алдын ала май жағылған металл табаға салынып 60-80 минут тағы да жылы жерге қойылады. Содан соң 200-210 градус температурада 1,0-1,5 сағат бойы пісіріледі.
Оның піскен-піспегенін қабығының түсіне және салмағына қарап айыруға болады. Дайын болған бөлкенің қабығы қоңыр тартып, салмағы жеңілденеді. Бөлкенің үстіне әр түрлі ұлттық оюлар салынып, әсемделеді.
Бұл тағамға 8 стакан ұн, 125 грамм сарымай, 2 стакан сүт, 2 стакан құм шекер, 3 жұмыртқа, жарты стакан кагор шарабы, 1 ас қасық какао, 300 грамм грек жаңғағының дәні, жарты шай қасық тұз, 100 грамм ашытқы жұмсалады.
Жарияланған-2016-03-05 12:22:48 Қаралды-2708
СҮМӘЛЛӘК
Бидайды су себелеп дымқылдап, үш күндей жауып қойып өндіру керек. Сол аздап өнген бидайдың 2-3 сантиметрдей көгі кесіліп тасталады да, қалған ақ түсті дәні жиналып алынып үстіне су салып езіледі.
ШЫҢҒЫС ХАН
Шыңғыс хан - Орта Азияда бүкіл моңғол тайпаларын бір қолға біріктірген ұлы әмірші, Шыңғыс хан империясының негізін қалаушы, атақты қолбасшы. Ол 1162 жылы Дилпун-Болдан (Дилунь-Булдак) шатқалында Онон өзені жағалауында дүниеге келген.
ҚАУЫНҚАҚ
Еті тығыз, құрамында қанты көп қауынның қабығы аршылып, дәні алынып тасталынады да жұқалап тіліктерге тілінеді. Олар таза шыптаның үстіне бір-біріне тигізбей салынып, кептіріледі.
ЖАҢҒАҚ КӘМПИТТЕРІ
Терең табаға қант салынып, жақсы жанып жатқан отқа қойылады. Ол ашық қоңыр түске енгенше қыздырылып, жаңғақ дәндері қосылады да бәрі жақсылап тез-тез араластырылады.