ЖАҢҒАҚ ШҰЖЫҚТАРЫ
Категориясы: Тағам
Бал-шұжық.
Грек жаңғағының мықты-мықты жарты дәндері іріктеліп алынып, бір тәулік бойы салқын суға салып қойылады. Содан соң суы төгіледі де ол дәндердің жалпақ жағы жоғары қаратылып ұзындығы 45-50 сантиметр мықты жіпке тізіледі. Жіптің бір ұшын таяқшаға байлап, күн көзіне іліп қою керек.
Жүзімнің салқын шырынына майда жарма қосылып, жартысы қалғанша қайнатылады. Салқындаған азғана шырынға крахмал салынып ерітіледі де үздіксіз араластырыла отырып, қайнап жатқан жүзім шырынына қосылады. Масса орташа сілікпе түріне жеткенше қайнатылып, оған жіпке тізілген жаңғақ дәндері кезекпен батырылып алынады. Қоюланған масса сіңген жаңғақтың астына ыдыс қойылып, аздап сорғытылады, содан соң әбден кепкенше ілініп қойылады. Жіпке тізілген жаңғақ дәні диаметрінің жуандығы 4-5 сантиметрдей шұжық формасына жеткенше осылайша массаға батырылып, сорғытыла беріледі. Әр батырған сайын жүзім массасы қайнатылып отырылады. Әйтпесе ол жаңғақтарға жұқпайды. Дайын болған шұжықтарды соңғы рет кептіру үшін жел соғып тұратын көлеңкеге іліп қойылады. Содан соң крахмалға аунатып алынып, пергаментке оралады, лайық ыдысқа салынып, құрғақ жерде сақталады.
Бұл тағамды жасауға 700 грамм жүзім шырыны, 1,5 килограмм жаңғақ, 100 грамм майда жарма, 80 грамм крахмал жұмсалады.
Чурчхела.
Ұзындығы 50 сантиметрге дейін жететін жуан жіпке грек жаңғағының (бір бөлігін немесе төрттен бірін) емесе тәтті бадамның дәндері тізіледі де жіптің ұшы ілмектенеді. Жіпке тізілген жаңғақ күн көзіне ілініп, екі күн кептіріледі.
Жүзімнің азғана салқын шырынына ұн мен картоп крахмалы езілелі. Жүзім шырыны қайнатылып, қант, ұнмен қосып езілген крахмал қосылады, сөйтіп 2-3 минут бойы пісіріледі. Алынған қою массаға жіпке тізілген жаңғақтың дәндері олардың барлығына да масса жұғатындай етіліп малынады. Осылайша 3-5 ретке дейін батырылады. Әрбір батыру алдында масса қайнатылып отырылады. Содан соң ол ілмегінен ілініп, күн көзіне кептіріледі. 3-5 күннен соң олар алынып, қалталарға салынады да, құрғақ жерде сақталады. Бұл шұжықтарды тәтті тағам ретінде 3-4 бөлікке бөліп, сыртына қант сеуіп жейді.
Бұл тағамды жасауға 1 килограмм жаңғақ, 80 грамм қант, 40 грамм крахмал, 500 грамм шырын, 70 грамм ұн жұмсалады.
Жарияланған-2016-03-04 16:47:55 Қаралды-1907
ЖАЗУ ҚАЙДАН ПАЙДА БОЛҒАН?
Әр дәуірде адамдар тәжірибелері мен білімдерін өзгелерге әр түрлі тәсілмен беріп отырған. Адамзат тарихындағы тұңғыш кітап - бұл жартас бетіне таңбаланған тас кітаптар.
АНАР ШӘРБӘТІ
Жас анардан сығып алынған шырын тот баспайтын ыдысқа құйылады. 1 стакан жылы суға қант езіледі. Олар шырынға қосылады да отқа қойылады.
ӘУЕДЕГІ ЯДРОЛЫҚ ЖАРЫЛЫС
Әуедегі ядролық жарылыс - жарқыл аймағы барынша жарқыраған сәтте жер бетіне (суға) жетпейтін жарылыс. Әуедегі ядролық жарылыс биіктігі ядролық қарудың қуатына байланысты жүздеген метрден бірнеше километрге дейіңгі аралықта болуы мүмкін.
ӘЛЕМДЕГІ ЕҢ ІРІ ҚАРТОП
2008 жылы ливандық фермер Халил Семхат өз бақшасынан алыл картоп қазып алды. Оның салмағы 11 (он бір) килограмнан асқан. Оны қазып алудың өзі оңайға соқпаған.
ҒАЛАМШАРДЫҢ ӘР ТҮКПІРІНДЕ ШУАҚ КҮНДЕРІ ҚАНША?
Табиғатта нашар ауа райы жоқ. Жағымсыз климат болады. Себебі адам өзінің айқын жағдайларда әр түрлі көңіл сезеді:
ТОНЫКӨК ЕСКЕРТКІШІ
Ақылгөй Тоныкөктің құрметіне қойылған тас тақта өзінің бұйрығы бойынша шамамен 716 жылы қашалып жасалған. Бұл ескерткіш 1897 жылы Баин-Цокто шатқалынан табылған. Қазіргі кезде ол Моңғол Республикасының астанасы - Улан-Батор қаласынан 60 шақырым жерде орна