UF

ПАРСЫ РУЛЕТ

Категориясы: Тағам


Бұл - өрік пюресінен және қант помадасынан жасалған, рулет түрінде бөлініп, жармаланған бадамға аунатылған тағам.

Қант помадасы шағын мыс қазанға қайнатылады. Алдымен суға қант салып ерітіліп, қайнатылады да шырын қайнағаннан кейін 5 минуттан соң оған сірне қосылып, әрі қарай қайнатылады. Қайнады-ау деген кезде қант шырынының температурасы 120-125 градусқа жетеді. Дайын болған шырынды сумен салқындатылатын немесе мәрмәр столға салып, 35-40 градусқа дейін суытады.

Салқындаған шырын араластыратын машинаға құйылып, ром эссенциясы және шараптас қышқылының 20 проценттік ерітіндісі қосылады. Содан соң ұсақ кристалл түзілгенше шайқалады. Егер шайқайтын машина болмаса, ол тікелей салқындатылатын столда араластырыла отырып иленеді. Мұнда да алдымен ром эссенциясы мен шарап-тас қышқылы қосылады. Қолмен араластырған кезде шойын қалақшалары қолданылады.

Араластырып болғаннан кейін дайын массасының ылғалдылығы 9-11 процент болады.

Жеміс пюресі былайша дайындалады. Мыс қазанға өрік және алма пюресі салынып, үстіне құмшекер қосылады. Масса үнемі араластырыла отырып, 30-40 минут бойы қайнатылады. Массаның қайнап бола бергендегі температурасы 105-110 градусқа жетеді. Қайнап болды-ау деген кезде массаға сірне қосылады. Содан соң масса 80-90 градусқа дейін салқындатылып, ром эссенциясы мен алдын ала суға ерітілген шарап-тас қышқылын (20 проценттік) қосу керек. Мұның бәрі мұқият араластырылады. Дайын массаның ылғалдылығы 14 процент болады.

Рулет әзірлегенде столға мөлшері 700 х 240 миллиметр қағаз төселіп, оған пышақпен өрік-алма массасы жағылады. Оның формасы мен мөлшері қағаздың мөлшеріне сай келу керек. Ал қалыңдығы 4-5 миллиметр және біркелкі етіледі. Масса салқындап, кайнатпа түзілгеннен кейін оған қалыңдығы 4-5 миллиметр етіліп, мөлшері сондай жылытылған помада қабаты жайылып, біраз суытылады. Содан соң қабат аударылады да қағаз сумен шыланып алынып тасталынады. Қабат көлденеңінен екіге тең бөлініп, әр бөліктің помада қабаты ішіне қаратылады да рулет етіп оралады.

Рулет түрінде оралған жартылай фабрикат қабығынан тазартылмаған жармаланған бадам дәндеріне аунатылу жолымен әсемделеді. Бадам пышағы бар оқтаумен мөлшері 3-4 миллиметрдей етіліп жармаланады. Тағам бадамның жармаланған дәніне оның бетіне дән тегіс жабысатындай етіліп аунатылады.

Бір килограмм тағам жасауға 751,5 грамм құм шекер, 101,6 грамм сірне, 195,0 грамм өрік пюресі, 81,2 грамм бадам, 0,81 грамм шарап-тас қышқылы, 0,41 ром эссенцияеы және 97,5 грамм алма пюресі жұмсалады.

Дайын тағам ұзындығы 440, ені 250 және биіктігі 11 миллиметр келетін қақпақты ағаш жәшіктерге салынады. Жәшікке алдын ала арнайы қағаз төселеді. Дайын тағам жәшікке көлденең 5 данадан салынады. Жәшіктегі тағамның таза салмағы 10 килограмм болады.

Парсы рулетін көлденеңінен кескенде помада мен өрік-алма массасы анық көрініп тұру керек. Әрбір жартылай фабрикаттың өзіне тән дәмі мен түсі болуға, аунатылған тағамның бетіне бадам біркелкі жабысуға тиіс. Дайын рулеттің ылғалдылығы 9-11 процент.

Бұл рулет құрғақ, жақсы желдетілетін, температурасы 16-18 градус, салыстырмалы ылғалдылығы 75 проценттен аспайтын бөлмеде сақталуы тиіс. Осындай жағдайда ол бұзылмай 15-20 күн сақталады.

  Жарияланған-2016-03-01 18:10:32     Қаралды-377

Мәлімет сізге көмек берді ма

Загрузка...

ҚАЗІРГІ КЕЗДЕ ҰМЫТЫЛА БАСТАҒАН ДӘСТҮРЛІ ТАҒАМДАР

...

Қазақ халқының ұлттық дастарқанында бар, бірақ қазіргі кезде ұмыт бола бастаған мынандай да дәстүрлі тағамдарына тоқтала кеткеннің артықтығы жоқ.

ТОЛЫҒЫРАҚ »

ШОКОЛАДТАЛҒАН ҚАРА АЛХОРЫ (қараөрік)

...

Қара алхоры жылы суға жақсылап жуылып, қант шырынына жібітіледі де, елекке салып суы сорғытылады.

ТОЛЫҒЫРАҚ »

ВИНДСЕРФИНГ

...

Виндсерфинг - дегеніміз желкенді ағаш деген ұғымды білдіреді.

ТОЛЫҒЫРАҚ »

ЕЖЕЛГІ ТҮРКІЛЕР

...

Ежелгі түркілер туралы мәлімет тұңғыш рет б.з.-дың 542 жылындағы қытай жылнамаларында кездеседі. Қытай жазбаларының айтуынша, түркілер ғұндардың ұрпақтары болып табылады.

ТОЛЫҒЫРАҚ »

СҰЛЫ – АЯҚ ТЕРЛЕУДІ БАСЫНДЫРАДЫ

...

Халық медицинасында сұлының сабағынан тер шығаратын, несеп айдайтын, дене қызуын төмендететін, жел шығаратын дәрілер жасап пайдаланады.

ТОЛЫҒЫРАҚ »

КИЕЛІ СҰЙЫҚТЫҚ ДЕГЕН НЕ?

...

Түркі дүниесінде ағарғанды киелі сұйықтық (сакральная жидкость) деп санаған.

ТОЛЫҒЫРАҚ »