БАДАМ КӘЗИНЕГІ

Категориясы: Тағам

Қант-сірне шырынында қайнатылған бадамнан тұратын шыныдай жылтыр тағам. Мөлшері 40х40 мм төрт бұрышты бөліктерден тұрады.

Қайнап жатқан шырынға аз-аздан бадам қоса отырып, 130-140 градусқа дейін қайнатылады.

Дайын масса салқын жерге (сумен салқындатылып туратын плита үстіне) салынады. Плита үсті алдын ала сарымаймен майлап қойылады. 80 градусқа дейін салқындаған масса қалыңдығы 10-12 миллиметр етіліп жайылып, квадрат бөліктерге бөлінеді. Кәзинәк қаңылтыр қораптарға салынады да, қақпағы тығыздап жабылып, қағазбен желімделіп тасталады.

Фундук жаңғағынан, өрік дәнінен, жер жаңғағынан жасалатын кәзинектердің айырмашылығы оларда бадамның орнына сондай мөлшерде тиісті жемістің дәні салынады.

Бір килограмм кәзинекке 359,3 грамм қант, 179,7 грамм сірне, 539,0 грамм бадам, 0,17 грамм ванилин және 5,4 грамм сарымай жұмсалады.

Бадамнан жасалған кәзинәктің бір килограмында кемінде 65 данасы болады. Ылғалдылығы - 3 процент, қорапқа салғандағы массасы 3 килограмм, ең ұзақ сақталатын мерзімі - 3 ай.

  Жарияланған-2016-02-23 14:18:01     Қаралды-1215