ГЕНЕТИКАЛЫҚ ХАБАР. Организмнің хромосома, цитоплазма, клетка органеллаларында болатын және ұрпақтан-ұрпаққа беріліп, тұқым қуалайтын қасиеті. Ол қасиет гендер жиынтығының информациясы, организмді құрастырушы заттардың (белоктар мен нуклеин қышқылдарының) құрамы, құрылысы және зат алмасу ерекшелігі түрінде ата-бабада болады да, кейінгі ұрпаққа беріледі. Жоғары сатыдағы көп клеткалы организмдерде Генетикалық хабар ұрпақтан-ұрпаққа жыныс клеткалары арқылы беріледі. Генетикалық хабар жыныс клеткасының хромосомаларында дозоксирибонуклеин қышқылдары (ДНК) молекулаларындагы нуклеотидтердің белгілі тізбегі түрінде болады. Генетикалық хабар онтогенез кезінде геннен белгілерге ауысады.

Организмнің барлық клеткалары бастапқы бір клетканың - зиготаның бөлінуі нәтижесінде пайда болады, яғни олардағы гендер жиынтығы да генетикалық хабар да бірдей. Организмдегі әр тұрлі тканьдер клеткаларының өзіне тән ерекшелігі олардағы гендер әрекетіне байланысты, өйткені онда гендердің осы тканьнің қызметіне қажетті бөлігі ғана әрекет жасайды.

Әдеб.: Қазақ совет энциклопедиясы. -Алматы, 1975 ж. -Т.1. -С.63.