UF

КӨРКЕМ СУРЕТТЕ ПАСТЕЛЬ

Категориясы: Өнер


Жан-Этьенн Лиотар. 1702-1789 жж. Натюрморт. Пастель Рококо.

 

Швейцария суретшісі Жан Этьенн Лиотардың мынау «Шоколад дайындаушы әйел» деген картинасына қараңдаршы.

Жан-Этьенн Лиотар. 1702-1789 жж. "Шоколад тасушы қыз"

Жап-жас қызметші әйел қолындағы фарфор табақша мен мөлдір таза су құйылған стакан қойылған табақшаны сәндене басып алып келеді. Уыздай жүзі, сымбатты мүсіні ерекше бір сүйкімділікке толы. Бас киімі, үстіндегі көйлегі, қолындағы табақшасы - бәр-бәрінен бір нұр шашырап тұрғандай.

Арада екі ғасырдан астам уақыт өтсе де (Лиотар XVIII ғасырда өмір сүрген), түп нұсқаның бояуы әлі күнге әрін жоғалтпаған.

Бұл картина майлы бояумен емес, пастельмен салынған. «Пастель» италияның «pasta» - «қамыр» деген сөзінен шыққан. Түрлі-түсті пигменттердің ұнтағына бор мен балауыз араластырып, қамыр илейді. Сосын одан жұмыр таяқшалар жасап кептіреді. Пастельде сан алуан реңк бар. Сондықтан оның қарындаш екеніне қарамастан онымен салынған шығарманы майлы бояумен салынған живопись туындысындай қабылдаймыз. Пастельді суға езіп, акварель мен гуашь секілді пайдалануға да болады. Пастель техникасы ертеден белгілі. Тіпті Леонардо да Винчидің өзі ара-тұра осы қарындашты пайдаланған. Алайда, Қайта өрлеу дәуірінің суретшілері пастельдің бояуы ұзаққа сақталмайды деп есептеп, темпера мен майлы бояуларды жиірек қолданды. Оның үстіне, олардың шығармалары пастельмен салуға келе қоймайтындай тым көлемді келетін.

Ал XVIII ғасыр суретшілері пастельдің бір тұтас жұмсақ жұғатын биязылығы мен әрлілігін өте қастерледі. Ол, шынында да, пастельдік бейнелеу өнерінің дәуірі болды. Ол замандағы күлтелі көйлек киген ханымдар мен бастарына парик, үстеріне, жағасына кесте төккен мундир киген төре жігіттерді бейнелеуге пастель келісіп кететін еді.

Сол тұста пастельді тез оңдырмай, ұзаққа сақтайтын ертінді табылды. Енді пастельмен салынған картиналар күнге оңбайтын, көп уақыттар бойы өңін жоғалтпайтын болды.

  Жарияланған-2016-11-16 20:32:22     Қаралды-1256

Мәлімет сізге көмек берді ма

Загрузка...

АҚҚАЛАҚ

...

Аққалақ - Қазақстандағы жыртқыш аңдар ішіндегі ең кішкентайы. Ұзындығы - 35 см. Ол - батыл, айлакер, ұзын құйрықты аң. Аққалақты кейде «аққия» деп те атайды. Қыста жүні ақ, жазда арқа жүні қызыл қоңыр немесе қара бурыл, бүйірі қара, бауыры ақ болады.

ТОЛЫҒЫРАҚ »

АУРУ ТУҒЫЗАТЫН ГРИБТЕР

...

Ауру туғызатын грибтер - өсімдік текті өте ұсақ организмдер, олардың көбею жолы мен құрылысы бактерияларға қарағанда өте күрделі.

ТОЛЫҒЫРАҚ »

ШЕҢГЕЛ – ГЕМОРРОЙДЫ ЕМДЕГЕНДЕ ПАЙДАЛАНАДЫ

...

Гүл жапырақшалары гүл тостағаншасының қалақшаларынан ұзынырақ. Оңай ашылатын буылтық кауашақта екі тұқым бар.

ТОЛЫҒЫРАҚ »

ЖЫЛ МАУСЫМДАРЫ ТУРАЛЫ

...

Қөктем туады, жаз шығады, күз түседі, қыс келеді. Халықтың ұғым-тусінігіне орай қалыптасқан сөз тіркесі осылай айтыла ды.

ТОЛЫҒЫРАҚ »

ЖҰЛДЫЗДЫҢ ҚҰЙРЫҒЫ БОЛА МА?

...

Кейде аспан әлемінде өзгеше бітімді «құйрықты» жұлдыздар пайда болады. Оларды ғылым тілінде комета деп атайды.

ТОЛЫҒЫРАҚ »

БАС ҚАЛАНЫҢ БАҒБАНШЫСЫН БІЛЕМІЗ БЕ?

...

Алматы - Алатаудың іргесінде орналасқан жасыл желекті қала. Осы қаланың бау-бақшаға айналуына зор үлес қосқан бағбаншылар қатарына Э.О. Баум, П.Рурдэ, Н.Моисеев, Е. Редько және т.б. атауға болады. Ал, Алматыда бау-бақша өсіруге улес қосқан Алаш азаматтары

ТОЛЫҒЫРАҚ »