UF

ДЕКОРАЦИЯ

Категориясы: Өнер


Сәнді киінген Золушка мәрмәр баспалдақпен өкпесі өшіп жүгіріп келеді. Түн ортасы болып, қайырымды сиқыршының сиқыры тарап кетпей тұрып үйіне жетіп алмақ. Туфлиінің түсіп қалғаны да ештеңе емес, тек тезірек үйіне жетсе екен!

Ол жүгіріп келе жатқан баспалдақтың өн бойынан алуан түсті шамдалдар нұр төгеді, жан-жағы самаладай жарқыраған кең сарай түп жақта, алыста сәнді бәйтеректер бой түзеген әсем парк мұнартады.

Осынау сәнді сарай да, ну бақша да, Золушка тұратын жұпыны үй де театр сахнасына орналасқан.

Бұл - Мемлекеттік академиялық Үлкен театрда қойылған «Золушка» балетіне арнап суретші П. Вильямс жасаған декорация.

Сахнаға әлі кейіпкерлер шықпай тұрып, тек П. Вильямс декорациясына қарап-ақ, біз ертегілерде ғана кездесетін ғажайып өлкеге тап болғандай, қазір бұрын-соңды құлақ естіп, көз көрмеген керемет оқиғаларды бастан кешіретіндей ерекше сезімге бөленеміз.

Қай-қай спектакльге де суретші декорация жасайды. Ол үйлерді де, көшелерді де, өзендер мен көпірлерді де, төбелер мен ну ормандарды да қолдан орната алады. Бөлмелердің жиһазы, актер ұстайтын кез келген бұйым суретші назарынан қағыс қалмайды.

Декорация жасамас бұрын суретші шығармада айтылатын дәуірдің тұмыс-салтын егжей-тегжейлі зерттеп алады, ол тұстағы адамдардың қалай киінгенін де сұрап біледі. Өйткені артистердің киімі де ол көрсеткен үлгімен тігіледі.

Спектакльдің ойдағыдай шығуы суретші-декоратор өнеріне де көп байланысты. Өйткені ол өз өнері арқылы спектакльдің негізгі рухын ашады. Байсалды да байыпты жасалған декорация көруші көңіліне бір түрлі әсер етсе, қызылды-жасылды, әлеміш декорация екінші түрлі әсер қалдырады.

Сондықтан да, декоратор - суретші кейіпкерлердің басындағы ахуалға айланысты сахнадағы жарықты да біресе жарқыраған жазғы таңның шуағындай, біресе айлы түннің солғын нұрындай қып сан құбылтып оырады.

Спектакль декорациясын жасау тек үлкен шеберлердің ғана қолынан келеді.

Шымылдық ашыла сала күллі залдың дуылдатып қол соғатынын жиі көреміз. Ол - декоратор суретшінің өнері театрға келген қауымға бірден ұнағанының белгісі.

Каменева Е. Кемпірқосақтың түсі қандай? -Алматы: Өнер, 1981. -168 б.

  Жарияланған-2016-11-02 16:00:36     Қаралды-2580

Мәлімет сізге көмек берді ма

ҚАЗАҚ ӘЛІПБИІНІҢ ТАРИХЫ

...

Әліпбилік жазу - дүние жүзі мәдениетінің қол жеткен орасан зор табысы болса, бұл мәдени мұраға біздің ата-бабаларымыз да өзіндік үлес қосқан деуге болады.

ТОЛЫҒЫРАҚ »

ТАРЫ ТАЛҚАНЫ

...

Тарыны талқандап, сары-маймен, қант ұлпасымен араластырып, бұлғау керек. Бұл тағам көбінесе шай дастарқанына қойылады.

ТОЛЫҒЫРАҚ »

ҚАРА ТЕҢІЗДІҢ СУЫ ШЫНЫНДА ДА, ҚАРА МА?

...

Кез келген ертегі немесе ән атаулыда теңіз кездессе, міндетті түрде - «көк теңіз» болып келетіні өзіңе мәлім болар.

ТОЛЫҒЫРАҚ »

ҚАЙМАҚ ТҰЗДЫҒЫНА ПІСІРІЛГЕН АЙВА

...

Жуып тазартылған және ірі етіп, қиықшалап кесілген айва жұмсарғанша қайнатылады. Тағам дайындаудан бірнеше күн бұрын апельсин қабықтары салқын суға салынып қойылады.

ТОЛЫҒЫРАҚ »

ҚЫЗЫЛ КІТАПҚА ТІРКЕЛГЕН ҚАЙЫҢ ТҮРЛЕРІ

...

Қазақстанның 1981 жылы жарық көрген Қызыл кітабына қайыңның 3 түрі - қызыл кайың, талас қайыңы және Ярмоленко қайыңы тіркелген. Бұл үшеуі де әрі сирек кездесетін, әрі шағын жерлерде ғана өсетін эндемик түрлерге жатады.

ТОЛЫҒЫРАҚ »

Миллионерлер Финляндияда қандай айыпұлдарды төлейді

...

Финляндия тағындаған ЖҚЕ бұзуға айыпұлдар тағылмаған белдік үшін немесе дұрыс тұрақтамағаны үшін 35 еуродан басталады және жылдамдықты асырғаны үшін жүздеген мың еуроға дейін барады.

ТОЛЫҒЫРАҚ »