ҚОЖАҚАТ – ДЕНЕГЕ ҚУАТ
Категориясы: Өсімдікті
ҚОЖАҚАТ – ЕЖЕВИКА
Қожақат – биіктігі 1-3 метрге жуық жартылай бұталы өсімдік. Сабағы жерге төселіп өседі, немесе тік өсіп барып майысып тұрады. Бүкіл бойы тікенекті. Жапырақтары қауырсын тәрізді, сағақтары ұзын, 3-5 жапырақшалардан тұрады. Шеттері ара тісті, пішіні жұмыртқа тәрізді, екі жағында да түктері бар. Гүлдері ақ, ірі, гүл тәжісінің жапырақшалары да, гүл тостағаншасының қалақшалары да бес-бестен. Жемісі бірнеше сүйегі бар қара дәндерден тұрады. Өзен жағаларында, төбелердің басында, бұталардың арасында, жол жиектерінде өседі. Маусым-шілде айларында гүлдейді. Дәрілік мақсат үшін есімдіктің жапырағын гүлдеген кезінде, ал жемісін піскен кезінде жинап алады. Құрамында глюкоза, фруктоза, сахароза, аскорбин кышқылы, каротин, Е витамині, органикалық қышқылдар, илік заттар бар.
Халық арасында қожақатты жалпы іштің өтуіне және дизентерияға (қантышқаққа) қарсы пайдаланады. Өсімдіктің тер шығаратын, қабынуға қарсы әсер ететін қасиеттері бар. Сондықтан оны жұтқыншақ бездері қабынғанда, тамақ ауырғанда, тіс түбінің еттері босағанда ауыз, тамақ шайқау үшін пайдалануға болады. Бұған қоса өсімдіктің нервті тыныштандыратын, денеге қуат беретін қасиеті де бар. Онымен асқазан жарасын, ішектің қабынуын, шемен ауруларын емдеуге де болады.
Қолдану тәсілі. Диабетті емдеу үшін шағанның, дала қырықбуынының, қожақаттың және дәрілік шүйгіншөптің бір-бір бөлігін тең мөлшерде алып араластырады. Осы қоспаның 6-8 грамын қайнап тұрған 1 литр суға салып тұндырады да, ыстықтай да, салқындай да шетінен ұрттап іше береді.
Сулы тұнба жасау тәсілі: өсімдіктің 20 грамын алып қайнап тұрған 1,5 стакан суға салады да 20 минут тұндырады, сонан соң оны жарты стаканнан күніне 3 рет ішеді.
Ішек қабынғанда қожақаттың екі бөлігін, қырмызы гұлдің 1 бөлігін алып бір-біріне арластырады. Бұдан кейін осы қоспаны қайнап тұрған 1 стакан суға 4 шай қасықтан келетіндей етіп салып әзірлейді де, 20 минут тұндырады, сонан соң оны жарты стаканнан күніне 3-4 рет ішеді.
Жарияланған-2016-07-14 15:32:16 Қаралды-3768
ШЕЛПЕК НАНЫ
Бұл - дөңгелек, шет жақтары қалың, ортасы жұқа, үстінен әр жері тесілген, салмағы 0,2 килограмм тағам.
АЛШАДАН ЖАСАЛҒАН КӘМПИТ (пастила)
Алша жемістері піскенше қайнатылып, қабығы мен дәндерінен тазалау үшін електен өткізіледі.
ЖАҢҒАҚ ЖӘНЕ БАЛ ҚОСЫЛҒАН СҮЗБЕ
Үгілген сүзбеге бал және жаңғақтың ұнталған дәні қосылып, жақсылап араластырылады.
ЖЕРГЕ ЕҢ ЖАҚЫН ЖҰЛДЫЗ
Кун жуйесінің орталық денесі, Жерге ең жақын жұлдыз. Ол аса ыстық газдан тұратын, шар тәрізді аспан денесі болып саналады. Бүкілкүн жүйесі массасының 99,866%-і кұнде жинақталған.
ВАНИЛЬДІ ШЕКЕР-ПЕНДЕР
Құмшекер мен сірнеден шырын дайындалады да, 135-145 градусқа дейін қайнатылады. Дайын карамель массасын арнаулы столда 80-90 градусқа дейін салқындатып, аз-аздап ванилин қосылады. Содан соң илеп, машинамен не қолмен ақ жібектей болғанша тартылады, оның ше
БАЛАҒА АРНАЛҒАН ТҮРЛІ ТАҒАМЫ
Әрбір атпал азамат баладан өседі. Соған байланысты оны бала шақта тәрбиелеу керек. Үлкендердің «Баланы - жастан» дейтіні де сондықтан.