ЖАҢҒАҚ ПЕЧЕНЬЕСІ

Категориясы: Тағам

Кастрюльге қант, ұнтақталған жаңғақ және жұмыртқаның сары уызы салынып араластырылады. Үздіксіз араластырыла отырып, әуелі күшті отқа қойылады да әбден қызғаннан кейін от бәсеңдетіліп, қоюланғанша қайнатылады. Оттан алынып, иісі шығуы үшін екі шымшым ванилин салынады. Қоспа әбден салқындап болғанда қолды суық суға батырып алып грек жаңғағының үлкендігіндей етіп домалақтау керек. Әр домалаққа қабығы аршылған бір-бір бадам дәні салынады. Домалақтар алдын-ала май жағылған жұқа табаға арақашықтығы едәуір етіліп салынады да қызуы орташа духовкаға қойылып, қызғылт тартқанша пісіріледі.

Мұндай печенье жасау үшін грек жаңғағының орнына орман жаңғақтарын да пайдалануға болады.

Бұл тағамды жасауға 260 грамм жаңғақ, 250 грамм қант, жұмыртқаның үш ақ уызы жұмсалады.

  Жарияланған-2016-03-04 17:10:52     Қаралды-2504