ҚАРАБАХ КЯТАСЫ
Категориясы: Тағам
Бұл да тоқаш қамырынан жасалатын тағам.
Қамыр ашытылады. Қамыр ипейтін машинаға температурасы 28-30 градус аз ғана суға ашытқы салып ерітіліп, содан соң илеуге кететін барлық ұнның 20-25 проценті мөлшерінде ұн, сондай мөлшерде су қосылады да барлығы мұқият араластырылады. Қамырдың ашу мерзімі температура 29-30 градус кезде 2,5-3,0 сағатқа созылады.
Жоғарыда айтылған тағамды жасау үшін клейковинасының сапасы жақсы ұн пайдаланылу керек.
Қамыр мынадай тәртіппен иленеді: ертілген май, құм шекер, жұмыртқа, ванилин және тұз біркелкі масса болғанша араластырылады да содан соң оған ашыған қамыр қосылады, сөйтіп тағы араластырылады. Үстіне қалған ұн салынып, біркелкі масса болғанша илене береді. Ал оның илеп болғандағы температурасы 28-30 градус, ылғалдылығы 25-27 процент болу керек. Қамырдың ашу мерзімі – 1,0-1,5 сағат.
Ішіне салатын шикі заттарды жасау үшін алдын-ала 10 градусқа дейін салқындатылған және микс-машинада немесе маркасы басқа машинада ысқыланған майдың үстіне қант ұлпасы, ванилин қосылып, мұқият араластырылады да үстіне ұн қосылады. Ішіне салынатын бұл заттарды біркелкі үгітілгіш, ылғалдылығы шамамен 11-13 процент болатын масса алынғанша араластыру қажет.
Дайын қамыр 250 грамнан бөлінеді де ер бөлік оқтаумен немесе жанышатын машинамен 5-6 миллиметр қалындықта дөңгелектеліп жайылады. Жайылған қамырға ішіне салатын заттың 200 грамын салып, шеттері біріктіріліп тасталады. Содан соң қолмен 1,5-2,0 сантиметр қалыңдықта дөңгелектеліп, үстіне жұмыртқа жағылады да, көлбеу жолаң етіп тесіп не сызып бедерлер салынады. Содан кейін маймен майланған табақтарға салынып, температурасы 200-220 градусқа жеткізілген пешке қойып, 25-35 минут бойы пісіріледі.
Салқындаған тағам қағаз төселген астаушаларға тікесінен салынады.
Бір килограмм карабах кятасын жасауға 347,5 грамм жоғары сортты ұн, ішіне салатын заттармен араластыратын 278,0 грамм жоғары сортты ұн, ішіне салатын 104,3 грамм қант ұлпасы, 69,5 грамм құм шекер, 67,8 грамм ерітілген сарымай, ішіне салатын 119,9 грамм ерітілген сарымай, 55,6 грамм жұмыртқа, сыртына жағатын 13,9 грамм жұмыртқа, 0,14 грамм ванилин, ішіне салатын 0,1 грамм ванилин, 5,2 грамм тұз және 10,4 грамм ашытқы жұмсалады.
Тағамның формасы дөңгелек, түсі ашық қоңыр, беті жылтыр болады. Беті жолақтап әсемделген. Аздап ванилин иісі шығып тұрады. Ылғалдылығы 12-15 процент.
Жарияланған-2016-03-02 12:17:48 Қаралды-1660
ӘБІЛҚАЙЫР ХАН
Тәуке хан қайтыс болғаннан кейін Әбілқайыр қазақ елінің бас хандығына таласады. Бірақ мұрагерлік жолмен таққа Тәукенің ұлы Болат отырады. Ол кейін өзінің күшімен, айласымен, шабуылды ұйымдастыра білетін әскери қолбасшылығымен, батырлығымен, ақылдылығы жән
ӨНДІРІСТЕ ҚАҒАЗДЫ ҚАЛАЙ ЖАСАЛАДЫ?
Бүгінгі күнде қағаз да барлық істе адамдарға машиналар көмектесетін алып комбинатта даярланады.
ДҮНИЕДЕ ЕҢ ЖЫРТҚЫШ ҚАЙ АҢ?
Біз әуелі ең ірі жыртқыштардың бірі - аң патшасы арыстанды аузыңа алғандықтан, әңгімемізді содан бастайық.
ТҮРІК ШЕЖІРЕСІ
«Түрік шежіресі» - Хиуа ханы әрі тарихшы Әбілғазы Баһадүр ханның шығармасы. ІІІығарма 9 тараудан және алғы сөзден тұрады. Шығарманы Әбілғазы бастап (1663), баласы Ануша аяқтаған (1665). Шежіреде түркі-моңғол тайпалары, Шыңғыс хан мен оның әулеттерінің, Әб
ДІРІЛДЕКТІ ҚАЛАЙ ДАЙЫНДАУҒА БОЛАДЫ?
Үйітіліп, әбден тазартылған сиырдың сирағы бірнеше бөлікке бөлінеді де кастрюльге салынып, су құйылады.
ТАҢҚҰРАЙДАН ӘР ТҮРЛІ ТАҒАМДАР ЖАСАУ
Таңқурай жидегінде қант, пектин, илік, бояу заттары, лимон, алма, құмырсқа және салиция қышқылдары, фосфор, калий тұздары, С1, Р витаминдері және А провитамині болады. Жабайы өсетін таңқурай - адам организміне керекті тағамның бірі.