UF

КӨКБҰТА

Категориясы: Өсімдікті


 

КӨКБҰТА – ВЕРЕСК ОБЫКНОВЕННЫЙ

Бұл - биіктігі 60 сантиметрге жуық, бұтақтары көп, жапырағы мәңгі көгеріп тұратын, көп жылдық, бұталы өсімдік. Жапырақтары қарама-қарсы орналасқан, өте майда, отырмалы. Гүлдері де майда, ақшылдау түсті, өсімдіктің жоғарғы жағында шоғырланған. Гүл тостағаншасының қалақшалары төртеу. Гүл тәжі қоңырау тәрізді, 4 гүл жапырақшаларынан тұрады. Шілде-тамыз айларында гүлдейді. Батпақтардың маңайында, орманды және құмды жерлерде өседі.

Дәрілік мақсатқа көкбұтаның майда бұтақтарын гүлдерімен және жапырақтарымен қоса пайдаланады. Оның құрамында арбутин, кверцитин, камедь, крахмал, танин бар. Бұл өсімдіктен жасалған дәрілердің қабынуға қарсы әсер ететін, іш өткенді тоқтатып, нерв жүйесін тыныштандыратын, қақырық түсіретін қасиеттері бар. Осыған байланысты қуық жолдары мен бүйрек қабынғанда, бүйрекке тас байланғанда, іш өткенде, тоқ ішек қабынып ауырғанда, үйқы қашқанда пайдаланылады.

Халық медицинасында гүлдеп тұрған бұтақшаларының қайнатындысын ревматизммен ауырған адамдарға ішкізеді. Осы ауруларды емдеу үшін ванна жасап пайдалануға да болады. Өсімдіктің қайнатындысымен іріңді жараларды, сынықты, буынның шығып кетуін, есекжемді, күйікті емдейді.


Дәріні дайындау және қолдану тәсілі. 1. Көкбұтаның 1 ас қасығын 2 стакан қайнап тұрған суға салады да, 2 сағаттан кейін сүзіп алып, стаканның үштен біріндей мөлшерде әрбір 2 сағат сайын ішеді. 2. Көкбұтаның 20 грамын шатырша толғақшөптің 15 грамын, кәдімгі шайқурайдың 20 грамын, бұрыш жалбыздың 10 грамып, сынғақ итшомырт қабығының 10 грамын 2,5 стакан суға қайнатып, 2 сағаттан кейін сүзіп алады да, стаканның 1/4-дей мөлшерде күніне 3 рет тамақ алдында ішеді. Бұл әсіресе асқазанның қышқылы қалыптан тыс көбейгенде өте жақсы нәтиже береді (М.А.Носаль). 3. Бес салалы сасықшөптің 15 грамын, көкбұтаның 20 грамын, батпақ ақшайырының 15 грамын, дәрілік шүйгіншөп тамырының 10 грамын жарты литр қайнап тұрған суға салып, 2 сағаттан кейін сүзіп алады да, стаканның 1/3-дей мөлшерде әрбір екі сағат сайын ішеді, бұл ұйқы қащқанда өте жақсы нәтиже береді.

  Жарияланған-2016-07-12 16:08:55     Қаралды-1239

Мәлімет сізге көмек берді ма

Загрузка...

КОСМОНАВТАРДЫҢ КОСМОС ҮЙІ

...

Космонавтардың 2 үйі болады: бірі - Жерде, екіншісі - космоста. Бірі Жер үстінде тапжылмай тұрса, екіншісі сол Жерді өзінің орбитасы - шеңберлі жолымен спутникше шыр айналады.

ТОЛЫҒЫРАҚ »

ВЕЛОСИПЕД ТАРИХЫНАН

...

Велосипед тебушілер және онымен жарыс жолына шығып бағынушылар ұлы ғалым, суретші Леонардо да Винчиге қарыздар, себебі ұлы ғалым 1495 жылы оның алғашқы жобасын жасапты.

ТОЛЫҒЫРАҚ »

КОНЬКИ ТЕБУ СПОРТЫ ТАРИХЫНАН

...

Көк мұз үстіндегі ұстараның жүзіндей коньки самғау кімді болса да елеңдетпей қоймайтыны баршаға аян сезім.

ТОЛЫҒЫРАҚ »

«Жер-қар кесегі» гипотезасы: ертеректе Жерді мұз жауып тұрған

...

Геофизиктер 2,4 миллиард жыл бұрын Жер бетінің орташа температурасы 40 градус Цельсийдан аспайды деп бір қорытындыға келді

ТОЛЫҒЫРАҚ »

ЕЖЕЛГІ ҮРГЕНІШ

...

10 ғасырда жазған араб географтарының (Ибн Хордадбек, Макдиси) айтуынша, Үргеніш бүкіл Хорезмде көлемі жағынан екінші қала болған.

ТОЛЫҒЫРАҚ »

АППОЛОННЫҢ ІЗБАСАРЛАРЫ

...

Ауыр салмақты тастарды көтеру арқылы жарысушы спортшыларды халық «Аппалонның ізбасарлары» деп те атаған.

ТОЛЫҒЫРАҚ »