АЛВАХАЗИ
Категориясы: Тағам
Қайнатылған ара балынан түрліше, яғни сақина, сегіздік, бұрама, т. с. с. етіп жасалған кәмпит осылай аталады. Түсі жібектей жылтыр реңді, ашық сары болады.
Ашық қазанға кәдімгі араның балы салынып, ұдайы араластыра отырып қайнатылады.
20-30 минут қайнатқаннан кейін балдың түсі қара қоңыр тартады. Сондай-ақ шетінен алған кезде үзілмейтін жіңішке жіп түзеді. Бұл балдың дайын болғандығын көрсетеді.
Бал ыстық күйінде қазаннан алынып, машинамен немесе қолмен 5-10 минут бойы созылады. Сонда оның түсі ашық сары тартып, жібектей жылтыр рең пайда болуы керек. Қолмен ағарту үшін массаны қолға апып созып, шет ұштарын қосып, тағы да созу қажет. Осылайша қайта-қайта соза берсе бал ағарады.
Ағартылған массаны суытпай, одан жуандығы 0,5-0,8 миллиметр жіп созылады да сол жылы күйінде әр түрлі кәмпиттер дайындалады. Бір кәмпит жасалып болған соң оны пышақпен кесіп алып, сол тұстан әрі қарай басқаларын жасай беру керек.
Бір килограмм алвахазиға 1150 грамм бал жұмсалады.
Алвахазидің сапасына мынадай талаптар қойылады: оның сақина, сегіздік, бұрама, т. с. с. әр түрлі формалы, түсі ашық сары, жібектей жылтырап тұруы, әуелі қоюланып, кейіннен қатып, шеттері ери бастауы қажет.
Алвахази құрғақ, температурасы 18 градус, ауасының салыстырмалы ылғалдылығы 60-75 процент бөлмеде сақталады. Мұндай жағдайда алвахази үш тәулік сақталады.
Жарияланған-2016-02-23 15:01:09 Қаралды-1931
ПИЯЗ - АТЕРОСКЛЕРОЗГЕ ҚАРСЫ
Пияз – көп жылдық, шөп тектес өсімдік, ол тікелей тамырынан өсіп шығады.
ҚАЙТА ӨҢДЕЛГЕН ПЛАСТИКТЕН ЖАСАЛҒАН BARBIE ҚҰЫРШАҚ
Америкалық компания қайта өңделген пластиктен жасалған Barbie қуыршақтарын шығарды.
ҚАШАП, ОЙЫП САЛЫНАТЫН СУРЕТТЕР
Ағаштан, сүйектен, тастан ойып адамның, жан-жануарлардың, өсімдіктердің бейнесін, ою-өрнектерді салуға болады.
ҚАНДАЙ ЯДРОЛЫҚ ЖАРЫЛЫС ТҮРЛЕРІ БОЛАДЫ?
Ядролық жарылыс түрлері қолдану мақсатына қарай ядролық жарылыс түрлері мынадай түрде болуы мүмкін: биіктегі, әуедегі, жер бетіндегі, су үстіндегі, жер астындағы, су астындағы жарылыстар.
