БЕСШАТЫР ЕСКЕРТКІШІ
Категориясы: Тарих
Бесшатыр - көне қорымдар тобы, сақ дәуірінің аса ірі ескерткіштерінің бірі. Ол Жетісу өңіріндегі Желшағыр тауының бөктерінде орналасқан. Бесшатыр қорымының құрамында 31 оба бар. Бұл ескерткіш б.з.б. VI -V ғасырларға жатады.
Археологтар молаларды қазған кезде тастармен қаланған ұзын қоршауларды тапты. Тақташа тәрізді тастардың беттеріне таутеке, қабан, қасқыр және басқа да жануарлардың суреттері бейнеленген. Қоршаудың кейбір тас тақташаларына адамның көзіне ұқсас түрлі таңбалар түсірілген. Бұл қорымның тек жерлеу орны ғана емес, сондай-ақ ерекше салтанат және діни салт-жоралғылар өткізетін жер болғанын да көрсетеді.
Үлкен обаларға сақтардың рубасылары мен әскери көсемдері, орташа обаларда әскербасылар мен атақты жауынгерлер, ал кіші обаларда қатардағы жауынгерлер мен қарапайым адамдар жерленген. Бұған айғақ - сол арадан табылған жебе ұштары, қысқа ақинак, канжарлар, ағаштан жасалған қалқан қалдықтары мен темір айыл.
Сақ дәуіріндегі сәндік бұйымның бірі - сырғалар әдемілігімен көз тартады. Бұл әсем сырғалар моншақтармен безендіріліп, сыммен иіліп жасалған.
Жарияланған-2015-11-18 17:56:15 Қаралды-17648
ШЕТЕННЕН ӘР ТҮРЛІ ТАҒАМДАР ЖАСАУ
Раушан гүлділердің алма тұқымдас тармағына жататын өсімдік. Жемісі адам организмі үшін өте пайдалы. Оны «витаминдер шығатын бұлақ» десек қателеспейміз.
«ҚАРАКӨЗ» ҚУЫРМАСЫ
Қаракөз қуырмасын жасау үшін белок пайдаланылады. Сары уызынан мұқият тазартылған белок салқындатылады, көпіршітіліп шайқалады.
АДАМНЫҢ МІНЕЗ-ҚҰЛҚЫ МЕН ІС-ӘРЕКЕТІНДЕГІ ЖАҒЫМДЫ ҚАСИЕТТЕР
Адалдық - адам бойындағы кіршіксіз ақ, таза ниет, имандылық қасиет. Атам қазақ кейінгі ұрпақтың тәрбиесіне көп мән берген. «Кісінің ала жібін аттама» (яғни, ұрлық жасама), «өтірік айтпа», «біреудің ақысын жеме» деген сияқты тыйымдар арқылы балалардың адал
«ҰЛЫ ЖІБЕК ЖОЛЫ» ДЕГЕНІМІЗ НЕ?
Қытайды Батыстан Орта Азия таулары мен шөлдер ұзақ уақыт бөліп тұрған.
ЗООМОРФТЫҚ ОЮ-ӨРНЕКТЕР
Олар төрт түліктің, аң мен құстың түр-тұлгасының сұлу бітімін тани біліп, олардың бейне-бедерлерін ежелден-ақ қолөнерде қолдана білген. Зооморфтық өрнектердің ішіндегі ең кең тарағаны мүйіздерді бейнелеу еді.