ЮАНЬ ПАТШАЛЫҒЫ
Категориясы: Тарих
Юань патшалығы - 1271-1368 жылдар аралығында қазіргі Моңғолия және Қытай аумағында салтанат құрған мемлекет. Мемлекеттің негізін Шыңғыс ханның немересі Құбылай қалаған. Мөңке өлген соң ұлы таққа Құбылай мен Арықбұға таласады. 1260 жылы Құбылай әскербасылары мен ақсүйектерді жинап, өзін қаған деп жариялайды. Осы кезде Қарақорымда құрылтай өтіп, Арықбұғаны ұлы хан жариялайды. Ол 1267 жылы ұлы империяның астанасы Қарақорым қаласын інісі Арықбұғаға қалдырып, Құбылай астанасын Ханбалыққа (қазіргі Пекин) көшіреді. 1271 жылдан бастап өзі құрған мемлекетті Юань патшалығы деп атайды. Оның аумағы Тынық мұхиттан Ауғанстан шекарасына дейін созылып жатты.
Құбылай Жапонияны жаулап алуға да бірнеше рет талпыныс жасады. Ол осы мақсатпен Корея мен бұрынғы Сун империясының әскери-теңіз флотын қайта қалпына келтіреді. Бірақ 1274 жылғы және 1281 жылғы Жапонияға шабуыл еш нәтиже бермеді. Соңғы шабуыл кезінде Құбылайдың әскери-теңіз флоты күшті теңіз дауылына тап болады. Сол кезден бастап жапондар өздерін құтқарған дауылды «камикадзе» (құдай желі) деп атайтын болған.
Юань патшалығында мәдениет, өнер, білім жақсы дамыған. Алғашқы ақшалар да осы мемлекетте жасалған.
Юань патшалығының соңғы ханы Тоған Темір 1368 жылы өлтіріліп, билік басына Қытайдың Мин әулеті келеді.
Жарияланған-2015-11-12 17:01:28 Қаралды-6294
СӘУЛЕТ ӨНЕРІНІҢ ЖЕТІСТІКТЕРІ
Тәуелсіздік кезеңінен бері Қазақстанның көптеген қалалары мен ауылдарының, әсіресе, Алматы және Ақмола облыстарының келбеті айтарлықтай өзгерістерге ұшырады. Ірі-ірі әкімшілік ғимараттары мен тұргын үй кешендері, көптеген жаңа ескерткіштер пайда болды.
ЖАҢҒАҚ КӘМПИТТЕРІ
Терең табаға қант салынып, жақсы жанып жатқан отқа қойылады. Ол ашық қоңыр түске енгенше қыздырылып, жаңғақ дәндері қосылады да бәрі жақсылап тез-тез араластырылады.
СҮҢГУІР ҚАЙЫҚТЫҢ ІШІНДЕ НЕ БАР?
Суға кез келген әйнек сынығын тастап көр - ол су түбіне шым батып жоғалады.
