UF

ЖЫЛТЫРАТЫЛҒАН ГРЕК ЖАҢҒАҒЫ

Категориясы: Тағам


Бұл - грек жаңғағының марципанмен желімделіп, карамель массасымен жылтыратылған ортасынан қаққа бөлінген екі жартысынан тұратын кәмпит.

Помада жасау үшін қазанға төрт литр су құйылып, оған құм шекер салып ерітіледі. Шырынды қайнату процесі ондағы қалған ылғалдылық 17-18 процентке жеткенше созылады (оттың күшіне қарай қайнату мерзімі 30-40 минутқа жетеді). Қайнатылған шырынға сүт қосылады. Біраз қайнағаннан кейін массаға сарымай салынып, массаның ылғалдылығы 11-12 процентке жеткенше қайнатыла береді.

Помаданы бұлғау. Қайнатылғаннан кейін масса 55-56 градусқа дейін салқындатылып, ванилин қосылады. Помада машинамен немесе қолмен шайқалады. Дайын помада дымқыл матамен жабылған қазанда сақталады.

Марципан әзірлеу үшін помада әдеттегі әдіспен ылғалдылығы 12-13 процентке жеткенше қайнатылады да кептіріліп, ысқыштан өткізілген бадам қосылады, сондай-ақ бадам эссенциясы, спирт қосылып, жақсылап араластырылады. Марципан да помада сияқты сақталады.

Кептірілген грек жаңғағы әбден іріктеліп, бегде қоспалардан, сынықтардан тазартылады. Бұл тағамға қақ жарылған жаңғақ сынығының өзінің бүтіні ғана алынады.

Помада мен марципан бір-бірімен араластырылып, 45-50 градусқа дейін қыздырылады. Сөйтіп грек жаңғағының екі жартысы осы массамен желімделеді. Сөйтіп оны міндетті түрде 16-20 сағат қоя тұрған дұрыс.

Карамель массасы ылғалы 1,5-1,8 процентке жеткенше қайнатылады. Содан соң ол карамель массасы қатып қалмас үшін бәсең отқа қойылған кішкентай қазанға құйылады.

Жаңғақтың желімделген жартылары ұшы доғалданған арнайы шанышқымен карамель массасына салынып жылтыратылады.

Жылтыратқаннан кейін алдын ала сарымаймен майланған салқындататын немесе мәрмәр столға салынады. Содан соң жаңғақтың бетіне карамель массасының біркелкі жұғуы үшін тағам дайындаушы да қолын сарымаймен майлап алып оны стол үстімен домалатады. Салқындаған соң жаңғақ ыдысқа салынады.

Бір килограмм өнімге 502,0 грамм қант, 124,5 - сірне, 186,8 грамм сүт, 17,2 грамм сарымай, 287,4 грамм грек жаңғағы, 81,4 грамм бадам, 2,8 грамм спирт, 0,76 грамм бадам эссенциясы жәче 0,04 грамм ванилин жұмсалады.

Жылтыратылған грек жаңғағының бір килограмында кемінде 45 түйірі болады. Ылғалдылығы - 6 процент, ыдысқа салғандағы салмағы - 4 килограмм. Ең ұзақ сақтау мерзімі - 20 күн.

  Жарияланған-2016-02-29 18:08:06     Қаралды-2324

Мәлімет сізге көмек берді ма

ПИЯЗ - АТЕРОСКЛЕРОЗГЕ ҚАРСЫ

...

Пияз – көп жылдық, шөп тектес өсімдік, ол тікелей тамырынан өсіп шығады.

ТОЛЫҒЫРАҚ »

ҚҰНДЫЗ

...

Құндыз - ақылды жануар. Олар суды бөгеп, тоғандар жасап, өздеріне жылы үй салады. Үйінің төбесі судан шығып, астыңғы жағы суда тұрады. Адамдар сияқты бірлесе еңбек етеді. Кейде өзара үндеседі. Қысқа қорек жинайды.

ТОЛЫҒЫРАҚ »

МҰРНЫҢ САУ БОЛСЫН ДЕСЕҢ...

...

Сендер ауыздарыңа жара шығып, тамақ жей алмасаңдар бір-екі күн шыдайсыңдар, алмурын іші бұзылып, тыныс ала алмай қалсаң, қанша уақыт шыдайсыңдар?

ТОЛЫҒЫРАҚ »

ҚАЗАҚТЫҢ КҮЙШІЛЕРІ

...

Ән-күй өнері қазақ даласында халықпен бірге жасап келеді. Қазақ халқының тарихындағы айтулы оқиғалар ән-күй жанрында өз көрінісін тауып отырған. Әншілер мен күйшілер халықтың мұң-мұқтажын, арман-тілегін, мақсат-мүддесін әндері мен күйлеріне қосқан. Негізі

ТОЛЫҒЫРАҚ »

ТЕҢІЗДЕГІ ТЕЛЕГЕЙ СУ ҚАЙДАН КЕЛГЕН?

...

Егер глобусты шыр айналдырсақ, ол тек қана - көгілдір түсті болып көрінеді. Олай болатын себебі - оның бетіндегі сары, ақ, жасыл, қоңыр түске қарағанда көгілдір бояудың басымдығы.

ТОЛЫҒЫРАҚ »

КӨКПАР

...

Көкпар - атқа мінген топ жігіттердің қатысуымен өтетін ойын. Ойынды бастау үшін көкпаршылар белгіленген сызықтың бойына қатар түзеп тұрады. Сызықтан 50-60 адымдай жерге көкпар тасталынады.

ТОЛЫҒЫРАҚ »