UF

ЧУРЧХЕЛА

Категориясы: Тағам


Диаметрі 35-40 мм келетін, ұзындығы 250-260 мм түтікше формалы тағамды чурчхела дейді. Сыртында сілікпе массасымен қапталған қабығы болады. Ішіне грек жаңғағы салынады.

Чурчхеланың ішіне тек грек жаңғағы дәнінің тең жартысы ғана пайдаланылады. Сондықтан грек жаңғағы мұқият іріктеліп, сұрыпталып, қоспалардан, сынып қалған дәндерінен тазартылады. Жаңғақтың жарты дәні ине-жіппен, жіпті қосып есептегендегі салмағы 50-55 грамм болатындай етіп тізіледі. Жіптің бос ұшы металл ырғаққа ілінеді. Жіпке тізілген жарты жаңғақтар түзулеп қатарластырылып, жіптің ырғаққа ілінген ұшы астаушаның шетінен салбырап тұратындай етіп салынады. Бұл жағдай чурчхела дайындау жұмысын тездетуге мүмкіндік береді.

Агар-агар алдын ала суға салынып жібітіледі. Тағам шикізаты қайнатылатын қазанға су құйылып, суға салып жібітілген агар-агар сонда салынады да, аздап жылтылады. Сөйтіп агар-агар бөктіріледі, бұдан кейін қазанға құмшекер мен маис крахмалы да салынады. Крахмал алдын ала салқын суға ертілуге тиіс. Бұл массалардың үстіне сонымен қатар сірне де қосылады. Осы қоспа үзбей араластырыла отырып, 8-10 минуттай қыздырылады. Содан соң қазандағы массаның тең жартысы құйылып алынып, былайырақ қойылады. Ал қазанда қалған бөлігі температурасы 100-108 градусқа және дайындалған массаның ылғалдылығы 19-20 процентке жеткенше тағы да 30-40 минут қайнатылады. Ыстық масса 70-80 градусқа дейін салқындатылып, оған рецепте көрсетілген ванилин мен ром эссенциясының жартысы қосылып, мұқият араластырылады.

Чурчхела екі бөліп дайындалады. Әзірленген сілікпесі бар қазан ағаш тұғырға қондырылады. Ол тұғырға қазаннан 0,5 метр биіктікте жартылай домалақ көлденең рейка орнатылады. Ыстық массасы бар қазанға жіпке тізілген жаңғақ малып алынып, ырғақ арқылы көлденең ағашқа іліп қойылады. Артық масса қазанға ағып болған соң жіпке тізілген жаңғақты ілетін түйреуіштері бар сөреге іліп, цех температурасында 1,5-2,0 сағат бойы кептіріледі. Кеуіп болуына 40-50 минут қалғанда массаның екінші бөлігі ылғалдылығы 19-20 процентке жеткенше қайнатылады. Желім-шырын 70-80 градусқа дейін салқындағанда оған рецепт бойынша тиісті ром эссенциясы мен ванилиннің екінші жартысы қосылады. Ерітінді мұқият араластырылып, оған жоғарыда келтірілген әдіспен жіпке тізілген жаңғақ қайтара малып алынады. Содан соң жартылай фабрикат сөреге ілініп, цех температурасында 45-60 минут бойы кептіріледі де, ұнға аунатып алынады. Ұнға аунатылған чурчхеланы кептіру үшін шамамен бір тәулік бойы қайтадан сөрелерге іліп қою керек. Ылғалдың сілікпе қабатынан буға айналуы қиынға соғатындықтан кептіру мерзімі де осылай ұзаққа созылады.

Кептіріп болған соң чурчхела сөреден алынып, екі ұшы қайшымен қиып тасталады да, ағаш жәшіктерге салынады.

Жәшіктің түбіне қағаз төселеді де қант ұлпасы себіліп, үстіне бір қабат етіп чурчхела салынады. Ол қағазбен жабылып тағы да қант ұлпасы себіледі. Содан соң чурчхеланың келесі қабаты салынады. Бұл процесс осылайша қайталана береді. Жәшіктегі дайын чурчхеланың салмағы 3-4 килограмнан аспауы тиіс.

Дайын өнімді температурасы 15-18 градус және ауасының салыстырмалы ылғалдылығы 60-75 процент жерде сақтау керек. Мұндай жағдайда чурчхела 15-20 күн сақталады.

  Жарияланған-2016-02-29 16:57:30     Қаралды-458

Мәлімет сізге көмек берді ма

Загрузка...

Өнертабыстың ең мұңды патенті

...

1985 жылы Ральф Пиро «өз-өзін ынталандыратын аппаратты» патенттеген.

ТОЛЫҒЫРАҚ »

ОРЫНБОР

...

1920 жылы Кеңес Үкіметінің басшысы В.И.Лениннің жарлығы бойынша Орынбор қаласында съезд өтті. Онда Қазақстанның жеке автономиялы мемлекет болғандығы жарияланды. Автономиялы республика деп үлкен федеративті мемлекеттің құрамындағы елді айтады. Сөйтіп, қаза

ТОЛЫҒЫРАҚ »

БАЛЫҚШЫ ТҰЙҒЫН

...

Балықшы тұйғын - қарағайлы орманның қарақшысы атанған батыл әрі жыртқыш құс. Ұясын биік кәрі ағаштың бұтақтарының діңге жақын жеріне салады. Сондықтан оны табу өте қиын. Ұясының ішіне жіңішке бұтақтарды төсейді.

ТОЛЫҒЫРАҚ »

НЕЛІКТЕН СТАКАН СЫҢҒЫРЛАП, МАСА ЫЗЫҢДАЙДЫ, АРА ГУІЛДЕЙДІ?

...

Шынында да, стаканға қасық ақырын ғана тиіп кетсе, дереу зың ете түседі. Неге зыңылдайды? Ол зыңыл қайдан шықты?

ТОЛЫҒЫРАҚ »

ТҮРЛІ ТҮСТІ КИНО АЛҒАШҚЫ КЕЗЕНДЕРІ

...

Турлі түсті кинофильмдерді түсіру, көрсету және олардың көшірмесін алу. Ол кинематографиямен қатар дамып келеді.

ТОЛЫҒЫРАҚ »

БАДАМБУРА

...

Самса түрінде ішіне бадам салынған қамырдан жасалған тағам осылай аталады.

ТОЛЫҒЫРАҚ »