UF

ҚУЫРДАҚТЫҢ ТҮРЛІ ТАҒАМДАРЫ

Категориясы: Тағам


Қуырдақ - көбінесе ірі қараның ұсақтап туралған сан, қол етінен, қойдың мойын етінен, түйенің сан етінен, өкпе-бауыр, ішек-қарыннан қуырылады. Оның басқа тағамнан ерекшелігі - тез әзірленетіндігі.

Ішек-қарын, өкпе-бауыр қуырдағын мал сойысымен өкпесін, бауырын, ащы ішегін, тоқ ішегін, карнын, бауыр ет пен мойын етін және сан, қол, белдемелерінен түсетін қиқым еттер мен шажырқай, шарбы майларын, ішек-қарнын, өкпе-бауырын қосып турап қуырады.

Соғым қуырдағы - соғым сойысқан кісілерге сол күні қуырып беретін мол қуырдақ. Бұған да мойын ет, көкбауыр (талақ), өкпе-бауыр, ішек-қарын, ішмай, қабырғаның омыртқадан ажырасатын тұсындағы басынан түскен кесінді ет пен сан, қол еттері қосылады. Бұл қуырдақтың басқа қуырдақтан өзгешелігі жас ет әуелі суға қайнатылып пысытылған соң ғана туралады. Туралған ет тұз салынған өз сорпасына қайта қайнатылады. Бір қайнаған соң оған бөлек шыжғырылып алынған май құйылады, пияз, бұрыш салынады. Қуырдақ қуырушының қалауына қарай шыжғырылған майдың шыжығы да қосылады. Содан соң қазанның қақпағы жабылады. Ол шыртылдай бастағанда-ақ түсіріп ала беруге болады. Бұл қуырдақтың тұздығының майы мен сорпасы бірдей, кейде майы көбірек етіп дайындалады.

Май қуырдақ - ірі қараның туралған майлы етін суға бір қайнатып алып, үстіне мол етіп май құйған қуырдақ.

Сан еттің қуырдағы - ірі қараның аязбен қатып қалған қол-санынан балтамен қырнай шауып алған еттен қуырылады.

Жошы қуырдақ - майлы етке ұн сеуіп қуырылады.

Сүр қуырдақ - сүр етті ұсақтап турап суға бір қайнаған соң сорпасын төгіп тастап қайтадан май салып қуырады. Өйткені суға жартылай піскен сүр ет жұмсарып, тұзынан арылады.

Түйе қуырдақ - жас малдың кесек-кесек етіп туралған етін суға пісіріп алып, одан кейін май тұздық құйып дайындайтын қуырдақ.

Өкпе-бауыр қуырдагы өзге ет араластырылмай, тек өкпе мен бауыр дан қуырылады.

Қарын қуырдақ - тек қарын ғана қуырылады. Кейде ішек те қосады.

Қаймаққа бұлғанған қуырдақ - қуырылған етке қаймақ құйылып, әбден араластырылады.

Сары май қатқан қуырдақ - арық ет әбден қуырылған соң үстіне сары май салынады.

Қолдама қуырдақ - әбден иленген қамырды бармақпен басып үзіп, етке қосып қуырады.

Құйқалы қуырдақ – үйітілген малдың етінен қуырылады.

Қозықұйрық қуырдақ - семіз жас етке саңырауқұлақ қосып қуырылады.

Бүйрек қуырдақ - тек ұсақтап туралған бүйрек ғана қуырылады.

Сүт қуырдақ - май салмай сүтке, биенің саумалына, түйе сүтіне қуырған қуырдақ.

Су қуырдақ - тек тұзын татытып суға ғана пісірген қуырдақ.

Уыз қуырдақ - қуырылған еттің бетіне уыз құйылады.

  Жарияланған-2016-09-23 16:54:14     Қаралды-6118

Мәлімет сізге көмек берді ма

КҮНЖІТ АЛУАСЫ

...

Қуырылған күнжіт дәні мен көпіршітілген белоктан жасалатын диаметрі 25-30 мм, ұзындығы 80-90 мм таяқшалар түріндегі тағам осылай аталады.

ТОЛЫҒЫРАҚ »

«АҒАШТАР КҮНІ» («ЖЕР КҮНІ»)

...

1872 жылы Небраска штатының (АҚШ) ауылшаруашылық басқармасында Джон Стерлинг Мортонның тікелей ұйтқы болуымен жыл сайын қоршаған ортаны көгалдандыру мақсатында бір күнді белгілеу туралы ұсыныс жасалды.

ТОЛЫҒЫРАҚ »

АТЫ КӨСЕМ АТЫМЕН АТАЛҒАН АҒАШ

...

Қылқан жапырақтылардың ішінде бұл ағаштың қалың өскен орманы 1769 ж. Тынық мұхит жағалауынан табылған секвоя ағашы. Сүрегі қызыл болғандықтан екінші аты - қызыл ағаш, бұл атау осы күнге дейін аталып келеді. «Секвоя» деп Солтүстік Америкадағы үнді тайпалар

ТОЛЫҒЫРАҚ »

ОРМАН – БІЗДІҢ БАЙЛЫҒЫМЫЗ!

...

«Ағаш ексек біз, не еккеніміз?» деген жолдармен басталатын өлеңі бар. Бұл сұрауға әрбір маман әрқалай жауап берер еді.

ТОЛЫҒЫРАҚ »

ҚҰРҒАҚ ЖЕМІСТЕР МЕН ЖАҢҒАҚТАН ЖАСАЛҒАН ДОМАЛАҚТАР

...

Тазартылып, қуырылған грек жаңғағы, жуылған жүзім (сүйегінен ажыратылған) және курага ет тартқыштың тар көзді пышағынан екі рет өткізіліп, мұқият араластырылады.

ТОЛЫҒЫРАҚ »

ҰСТАУҒА БАЛҒА НЕГЕ КЕРЕК?

...

Мына жарық дүниеде бір адам өмір сүріпті. Нар көтергендей күшті екен. Ертеңнен қара кешке дейін қап-қара түтін қаптаған ұстаханада ұсталық етіпті.

ТОЛЫҒЫРАҚ »