КӨКШЕТАУ АЙМАҒЫ
Категориясы: Табиғат
Көкшетау өңірі Сарыарқаның солтүстік бөлігіндегі көгілдір шоқы-таулар даласы мен Батыс Сібір ойпатының қиыр оңтүстік-батысының кең жазығында орналасқан. Батысы мен шығысының арасы 500 км-ге, оңтүстігі мен солтүстігінің арасы 200 км-ге созылған. Жерінің жалпы аумағы - 78,5 мың км2. Аймақтың орталығын Көкшетау қыраты алып жатыр. Қыраттағы Көкше деп аталатын таудың биіктігі - 947 метр. Төңірегінде қарағай, қайың орманы өскен, табиғаты өте әсем Бурабай, Шортанды, Шабақты, т.б. көлдері, солтүстік-батысында Айыртау, Аралтөбе, Үндемес және Сырымбет атты көрікті шағын таулары бар.
Қыста ауа райы кейде -45°С-қа дейін төмендесе, жаз айларында +25+30°С-қа барады.
Көкшетау аймағында үлкенді-кішілі 150-ден астам көл бар. Олардың 90-ы тұщы сулы. Олар, негізінен, шоқылар мен тау шатқалдары етегінде орналасқан. Жазықтау келген алапта Үлкен Қарасай, Сілетітеңіз, Теке, Қалибек көлдері жатса, Күміскөл, Кіші Шабақты, Шабақты деген бұрынғы атауы бар Бурабай сияқты көлдер тау етектерінде орналасқан. Бурабайдың солтүстік-батыс жағалауына таман бөлігінде Жұмбақтас атты шағын арал бар. Ондағы «Жұмбақтас шыңы» көл бетінен 20 м биікке шаншыла көтеріліп түр. Көл жағалаулары - қарағайлы-қайыңды ормандар. Орман, көл мен тау өзара үйлесім тауып, ерекше әсем көрініс қалыптастырған.
Көкшетау аймағында ел арасында «Ақылбай асуы», «Ақбура тауы», «Оқжетпес», «Жеке батыр» шоқылары, «Жұмбақтас», «Шайтантас», «Ақ Алаң» жайлы көптеген аңыздар бар.
Көкшетау аймағында Көкшетау және Щучинск қалалары орналасқан. Аймақ кен байлықтарына да бай. Мұнда, темір, цирконий, алтын, күміс, тас көмір, уран, т.б. кендер табылған.
Жарияланған-2015-11-25 17:21:04 Қаралды-16487
ЖАМБЫЛ ЖАБАЕВ ЕСКЕРТКІШТЕРІ
Тараз қаласында Жамбыл Жабаев атындағы алаңда 1961 жылы Жамбыл ескерткіші орнатылған. Ақын ұлттық киімде, сол қолына домбыра ұстап тұрған күйінде кескінделген. Мүсін мыс араластырылған шойын коспасынан құйылып, қола жалатылған. Тұғыры төрт бұрышты биік ет
БЕТПАҚДАЛА
Бетпақдала - Қазақстанның орталық бөлігінде орналасқан кең-байтақ шөлді өңір. Ол Қарағанды, Жамбыл, Оңтүстік Қазақстан облыстарының жерлерін қамтиды. Батысында Сарысу өзенінің төменгі ағысымен, шығысында Балқаш көлімен, оңтүстігінде Шу өзені аңғарымен, со
КӨКШЕТАУ ҰЛТТЫҚ ТАБИҒАТ САЯБАҒЫ
Көкшетау ұлттық табиғат саябағы - Көкшетау қаласынан оңтүстік-батысқа қарай 60 шақырым жердегі қорықтық аймақ. Ақмола облысының Айыртау, Зеренді аудандары аумағында орналасқан. Құрамына Шалқар, Зеренді көлдері, Айыртау шоқылары, қалың қарағайлы орман кіре
ӘСЕМДЕЛГЕН ЖАҢҒАҚ ҚУЫРМАСЫ (печенье)
Кептірілген нан түйіліп, ұнтақталған жаңғақпен және қантпен араластырылады. Үстіне ерітілген сарымай, жұмыртқаның мұқият шайқалған сары уызы, жарты лимон шырыны мен қабығы салынады.
Кейбір кесірткелер қанмен атқылай алады
Бақа сияқты кесірткелер — игуана тәрізді тұқымдастардың қысқа аяқты және қысқа құйрықты кесірткелер түрі, жыртқыштардан қорғайтын бірегей қабілеті бар.
МАЛДАРДЫ ЖӘНЕ ӨСІМДІКТЕРДІ ЖАППАЙ ЗАҚЫМДАУШЫ ҚАРУЛАРДАН ҚОРҒАУ.
Малдарды жаппай зақымдаушы қарудан топтап қорғау үшін бірінші кезекте мал қоралары пайдаланылады. Мал қораларын дайындау ең алдымен оларды ауа өткізбейтіндей етіп бітеу: төбесіне шлак немесе құм төгіп қалыңдату, төбесін лаймен, известьпен және басқа еріті