ЭСТАМП ДЕГЕН НЕ?
Категориясы: Өнер
Ян Ван дер Страет (1523-1605 жж.). "Көне заманғы эстампы шеберханасы".
Суретшінің картинасы тек бір ғана дана күйінде сақталатын түп-нұсқа болып есептеледі. Эстамп та сондай түпнұсқа. Бірақ оның бейнелеу өнері туындыларының көпшілігінен бір өзгешелігі тек жалғыз ғана емес, ондаған дана күйінде де өмір сүре алады.
Эстамп - гравюра жасайтын тақтайдан түсірілген көшірме. Ол, түптеп келгенде, сол ағаштан, металдан, линолеум мен тастан ойған гравюра боп табылады.
Эстамптардың түрлі-түсті, не ақ пен қара бояулардан ғана тұруы да мүмкін. Көлемі көбінесе шағын боп келеді.
Эстамп бірнеше дана күйінде сақталынғанымен, оның қай-қайсысы да түпнұсқа боп есептеледі. Өйткені оның әр біреуі суретшінің өзі қолдан ойған тақтадан түсірілген. Көбіне-көп әлгіндей көшірмені де суретшінің өзі басып шығарады. Демек, эстамптың әр данасында суретшінің өз қолының, өз еңбегінің таңбасы жатыр.
Кейде суретшілер эстамптың бірнеше нұсқасын түсіріп алады да, басы артық даналар болмауы үшін гравюра ойылған тақтаны өртеп жібереді.
Эстамп суретшінің өз қол таңбасын сақтаған шынайылығымен, сұлулығымен тартымды.
Жарияланған-2016-11-17 14:13:43 Қаралды-4653
ӘЛЕМДЕГІ ЕҢ ҮЛКЕН ІНЖУ-МАРЖАННЫҢ МӨЛШЕРІ ҚАНДАЙ?
Соңғы уақытқа дейін әлемдегі ең үлкен інжу 1934 жылы Оңтүстік Қытай теңізінде Филиппиннің Палаван аралында салмағы 300 кг-нан асатын меруерт табылған
МАЛАЙСАРЫ БАТЫР
Малайсары (шамамен 1700 жылы дүниеге келген, 1756 жылы қайтыс болған) - Орта жүздің батыры әрі биі. Шыққан тегі - Орта жүздің арғын тайпасының бәсентиін руынан. Акесі Тоқтауыл - батыр, балуан болған кісі.
КАРТОПҚА ОРНАТЫЛҒАН ЕСКЕРТКІШТІ ЕСТІГЕНДЕРІҢ БАР МА?
Әлемнің әр түкпірінде түрлі үй және жабайы жануарларға орнатылған ескерткіштер бар екендігі белгілі. Ал, өсімдіктерге орнатылған арнайы ескерткіштер тіпті саусақпен санарлық.
ТҰЗДАУ ЖӘНЕ МАРИНАДТАУ ҚАРАПАЙЫМ РЕЦЕПТІЛЕР
Негізінде қияр ағаш кеспектерге тұздалады. Тұздалатын қияр үстіне құйылатын тұздық бөлек дайындалады.
