UF

КЕРАМИКА - ЕҢ ЕЖЕЛГІ ӨНЕРЛЕРДІҢ БІРІ

Категориясы: Өнер


Ежелгі Мысыр керамикасы. Б.э.д. ІІ ғ.

Адамдар атам заманның өзінде-ақ саздан ыдыстар жасауды білген. Бертін келе оны су жібермейтін берік болу үшін пешке сап күйдіруді үйренген. Алғашқы заман адамдары әлгіндей қыш құмыралардың сыртына ою-өрнек салатын болған. Сүйте-сүйте адамдар сазды шарыққа салып ыдыстар жасауды үйренген. Ол үшін әбден иленген балшық дөңгелек табақшаға қойылады да, шарық шыркөбелек айналдырылады, сонда саз балшық өз-өзінен күпсіп көтеріліп құмыра кейіпке түседі. Сырт көзге, оңай көрінгенімен, керамика ептілікті, шеберлікті керек етеді.

Ежелгі Афинада құмыра жасау өнері өте айырықша дәріптелген. Қалада су, шарап сақтайтын әйгілі афина құмыраларын жасайтын жүздеген шеберханалар болған.

Ежелгі Афинаның керамикалар.

Кейін қазба орындарынан табылған ежелгі құмыралар мен олардың сынықтары қазір аса қымбатты бұйым ретінде музейлерде сақталады. Осынау қос құлақты амфоралар, қымбат иіс май құйылатын ұзын мойын құтылар, кішкентай немесе домалақ ыдыстар - арибаллалар күні бүгінге дейін ғажайып көркімен көз тартады.

Қыш табақшаларды шеберлер саздан жасап күйдіреді де, сыртына суретшілер сан қилы өрнек салады. Төменгі жағы мен ернеуіне әшекей өрнек салынады да, бүйіріне ежелгі грек мифтерінен бір көрініс бейнеленеді.

Кейбір қыш табақтардың қызыл қоңыр сыртына мөлт қара өрнектер салынады, немесе, керісінше әшекейдегі өрнектер қызыл қоңыр боп, арғы бөлегі мөлт қара боп келеді. Ежелгі Афина шеберлері пайдаланған осы бір мөлт қара бояудың құпиясы әлі күнге ашылған емес.

Керамика өнері біздің елімізде ежелден белгілі. Әсіресе, Дағыстанның Балхар селосы шеберлерінің өнері ерекше даңққа бөленген.

М.Врубель (1856-1910 жж.). "Мизгирь" Майолика.

Керамика өнеріне орыс суретшісі М. Врубель өте қызыққан. Москва түбіндегі «Абрамцево» музейінде оның көптеген қыш бұйымдары сақтаулы. Сен мына суреттен М. Врубельдің «Мизгир» деген майоликасын көріп отырсыңдар. Майолика - керамиканың ерекше бір түрі.

Керамика сәнді бұйымдар жасау өнеріне жатады.

Каменева Е. Кемпірқосақтың түсі қандай? -Алматы: Өнер, 1981. -168 б.

  Жарияланған-2016-11-03 22:22:32     Қаралды-4010

Мәлімет сізге көмек берді ма

МАХМҰД ӘЛ-ҚАШҚАРИ

...

Махмұд әл-Қашқари - бірнеше түркі тілдерін жақсы меңгерген әйгілі түрік саяхатшысы. Ол Ыстықкөлдін оңтүстік жағалауында орналасқан Барсхан қаласында дүниеге келген.

ТОЛЫҒЫРАҚ »

АЙДЫ КЕМІРІП ҚОЙҒАН ҚАЙ МЫҚТЫ?

...

Баяғы замандардан бері адамдар көктегі Айдың неге кейде толып, дөп-дөңгелек боп тұратынын, ал кейде кеміп, жартысы ғана қалатынын, тіпті, жұқарып...

ТОЛЫҒЫРАҚ »

КАРАМЕЛЬ МАССАСЫ ЖАҒЫЛҒАН ІНЖІР ЖӘНЕ АЛХОРЫ

...

Інжірден жасалып, ішіне грек жаңғағы толтырылған, сыртына карамель массасы жағылған тағам - карамель массасы жағылған інжір деп аталады.

ТОЛЫҒЫРАҚ »

ЕТ МҮШЕЛЕРІНІҢ НЕГІЗГІ ҚАЗАҚША АТАУЛАРЫ

...

Мал етін мүшелеуді біреу біліп, біреу біле бермейді. Сол жөнінде әңгіме болғанда этнограф С. Қасиманов былай деген еді:

ТОЛЫҒЫРАҚ »

ЖАЛАҢТӨС БАҺАДҮР

...

Жалаңтөс Сейітқұлұлы (1576 - 1656 жж.) - қазақтың әйгілі батыры, аса көрнекті қолбасшы, Самарқандтың аталығы (әмірі). Туған жері - Сырдарияның төменгі ағысы. Шыққан тегі - Кіші жүздің төртқара руынан. Жалаңтөс баһадүрдің арғы атасы Ораз кезінде Әмір Темір

ТОЛЫҒЫРАҚ »

ШОКОЛАДТАЛҒАН ҚАРА АЛХОРЫ (қараөрік)

...

Қара алхоры жылы суға жақсылап жуылып, қант шырынына жібітіледі де, елекке салып суы сорғытылады.

ТОЛЫҒЫРАҚ »