UF

ҚУЫРДАҚТЫҢ ТҮРЛІ ТАҒАМДАРЫ

Категориясы: Тағам


Қуырдақ - көбінесе ірі қараның ұсақтап туралған сан, қол етінен, қойдың мойын етінен, түйенің сан етінен, өкпе-бауыр, ішек-қарыннан қуырылады. Оның басқа тағамнан ерекшелігі - тез әзірленетіндігі.

Ішек-қарын, өкпе-бауыр қуырдағын мал сойысымен өкпесін, бауырын, ащы ішегін, тоқ ішегін, карнын, бауыр ет пен мойын етін және сан, қол, белдемелерінен түсетін қиқым еттер мен шажырқай, шарбы майларын, ішек-қарнын, өкпе-бауырын қосып турап қуырады.

Соғым қуырдағы - соғым сойысқан кісілерге сол күні қуырып беретін мол қуырдақ. Бұған да мойын ет, көкбауыр (талақ), өкпе-бауыр, ішек-қарын, ішмай, қабырғаның омыртқадан ажырасатын тұсындағы басынан түскен кесінді ет пен сан, қол еттері қосылады. Бұл қуырдақтың басқа қуырдақтан өзгешелігі жас ет әуелі суға қайнатылып пысытылған соң ғана туралады. Туралған ет тұз салынған өз сорпасына қайта қайнатылады. Бір қайнаған соң оған бөлек шыжғырылып алынған май құйылады, пияз, бұрыш салынады. Қуырдақ қуырушының қалауына қарай шыжғырылған майдың шыжығы да қосылады. Содан соң қазанның қақпағы жабылады. Ол шыртылдай бастағанда-ақ түсіріп ала беруге болады. Бұл қуырдақтың тұздығының майы мен сорпасы бірдей, кейде майы көбірек етіп дайындалады.

Май қуырдақ - ірі қараның туралған майлы етін суға бір қайнатып алып, үстіне мол етіп май құйған қуырдақ.

Сан еттің қуырдағы - ірі қараның аязбен қатып қалған қол-санынан балтамен қырнай шауып алған еттен қуырылады.

Жошы қуырдақ - майлы етке ұн сеуіп қуырылады.

Сүр қуырдақ - сүр етті ұсақтап турап суға бір қайнаған соң сорпасын төгіп тастап қайтадан май салып қуырады. Өйткені суға жартылай піскен сүр ет жұмсарып, тұзынан арылады.

Түйе қуырдақ - жас малдың кесек-кесек етіп туралған етін суға пісіріп алып, одан кейін май тұздық құйып дайындайтын қуырдақ.

Өкпе-бауыр қуырдагы өзге ет араластырылмай, тек өкпе мен бауыр дан қуырылады.

Қарын қуырдақ - тек қарын ғана қуырылады. Кейде ішек те қосады.

Қаймаққа бұлғанған қуырдақ - қуырылған етке қаймақ құйылып, әбден араластырылады.

Сары май қатқан қуырдақ - арық ет әбден қуырылған соң үстіне сары май салынады.

Қолдама қуырдақ - әбден иленген қамырды бармақпен басып үзіп, етке қосып қуырады.

Құйқалы қуырдақ – үйітілген малдың етінен қуырылады.

Қозықұйрық қуырдақ - семіз жас етке саңырауқұлақ қосып қуырылады.

Бүйрек қуырдақ - тек ұсақтап туралған бүйрек ғана қуырылады.

Сүт қуырдақ - май салмай сүтке, биенің саумалына, түйе сүтіне қуырған қуырдақ.

Су қуырдақ - тек тұзын татытып суға ғана пісірген қуырдақ.

Уыз қуырдақ - қуырылған еттің бетіне уыз құйылады.

  Жарияланған-2016-09-23 16:54:14     Қаралды-2785

Мәлімет сізге көмек берді ма

«КӨЛСАЙ КӨЛДЕРІ» ҰЛТТЫҚ САЯБАҒЫ

...

«Көлсай көлдері» ұлттық саябағы Алматы облысының Райымбек және Талғар аудандарында орналасқан. Саябақ 2007 жылы ұйымдастырылған. Аумағы - 161,04 мың гектар, шығыстан батысқа қарай 98 шакырымға, солтүстіктен оңтүстікке қарай 23 шақырымға созылған аумағының

ТОЛЫҒЫРАҚ »

ЖЫЛ МАУСЫМДАРЫ ТУРАЛЫ

...

Қөктем туады, жаз шығады, күз түседі, қыс келеді. Халықтың ұғым-тусінігіне орай қалыптасқан сөз тіркесі осылай айтыла ды.

ТОЛЫҒЫРАҚ »

ЭСТАМП ДЕГЕН НЕ?

...

Суретшінің картинасы тек бір ғана дана күйінде сақталатын түп-нұсқа болып есептеледі. Эстамп та сондай түпнұсқа.

ТОЛЫҒЫРАҚ »

ҚЫЗЫЛ КІТАП НЕГЕ КЕРЕК?

...

Сирек кездесетін әрі жойылып кету қаупі бар жануарлар мен өсімдіктер кітабы - Қызыл кітабы.

ТОЛЫҒЫРАҚ »

БАЛ ЖАҢҒАҚТАР

...

Балды жақсылап ерітіп, қантпен, ұнмен, содамен, маймен және ұнтақталған жаңғақтармен араластырып, қатты қамыр иленеді.

ТОЛЫҒЫРАҚ »

БАДАМ ПЕЧЕНЬЕСІ

...

Бадам іріктеліп алынып, жуылады, жылы жерге қойып аздап кептіріп, рецепте көзделген құм шекердің жартысымен, жұмыртқа ақ уызының төрттен бірімен араластырылады.

ТОЛЫҒЫРАҚ »