UF

ПЫШАҚТЫҢ ЖҮЗІ ҚАЛАЙ ЖАСАЛАДЫ?

Категориясы: Технологии


Дүкенге жіберер алдында жұмысшы пышақ жүзін тегістегіш станокпен айнадай ғып жалтыратыпты.

Пышақтың өзін жасаған кім дейсің ғой. Оны жасаған ұстақалыптағыш. Ол болат қаңылтырды ұста машинасына салып, балға-тұтқаны іске қосады. Жоғарыдан гүрс етіп балға соғылады! Сол кезде болат қаңылтырдан саудырап ондаған пышақ шығады. Осыдан кейін болат қаңылтырға қарасаң, ойылып-ойылып қалған ондаған ұзынша сопақ тесікті көресің. Оның әрқайсысы пішіні жағынан пышақтан аумайды.

Әйтсе де болат қаңылтыр қайдан шықты? Оны аса ірі прокат станынан шебер прокатшылар болат кесектерінен алған.

Ал болат кесектерін ше?

Жұмысшы-балқытушылар болатты алып пеш - мартенлерде пісіреді.

Сонда болатты неден пісіреді?

Шойыннан. Жұмысшы-домнашылар шойынды темір кентасынан алып пештерде - домналарда қорытады.

Кентас қайдан шығады?

Кеншілер оны жер астынан қазып алады.

Олар кентасты қалай іздеп тапқан?

Геологтар көмектескен.

Әдеттегі жүзі бар пышақ дүниеге келу үшін қаншама адам мен машина жұмыс істейді.

Қандай зат болмасын: мейлі ол жейде мен велосипед болсын, я шай кесе мен электр шамы болсын, тіпті шарикті қаламсап пен телевизор болсын, не турбина мен тепловоз... болсын - бәріне де дәп осылай маңдай тер төгіледі.

Кез келген затты - не үлкен не кіші демей, я қарапайым, я күрделі демей, оны жасау үшін әр түрлі кәсіп шеберлері ерінбей, ерекше ықыласпен еңбек етуге тиіс.

Әр түрлі кәсіптің жұмысшылары ғана емес, сонымен бірге әр түрлі кәсіптегі заводтар да бірлесіп, ынтымақтасып жұмыс істейді. Екі завод арасы жүздеген шақырым шалғай жатады, ал соған қарамастан тізе қосып еңбек етеді.

Темір жол бойымен поездар жүйткиді. Ащы ішектей шұбатылған вагондарға заводтардың біріне-бірі жөнелткен жүктері тиелген. Олар қосақтарын жазбай станок жасайтын заводқа маңдай тіреп: «Міне, болашақ станоктарыңыздың электр моторлары!» - десе, станок жасаушылар: "Жаңа цехтарыңыз үшін станоктар жөнелтіп отырмыз!" - деп жауап береді.

Металлургтер подшипник заводына сәлемдемеге металл тиеп жіберсе, олар «сыйға сый» деп, жаңа прокат станына подшипниктер жөнелтіп жатады.

Мұнайшылар химия заводтарына мұнай, ал химиктер оларға бұрғылау машиналарын майлайтын май береді. Осылай бар завод біріне-бірі қол ұшын беріп, көмектесіп тұрады. Әрқайсысы өз жұмыстарын орындайды, ал барлығы бірігіп ортақ іс тындырады.

  Жарияланған-2016-09-04 19:20:39     Қаралды-2147

Мәлімет сізге көмек берді ма

АЛМҰРТТАН ӘР ТҮРЛІ ТАҒАМДАР ЖАСАУ

...

Алмұрттың жемісінде қант, пектин, илік, бояу заттар, алма және лимон қышқылдары, В1, С витаминдері бар. Бұл заттар адам тіршілігіне және организмдегі зат алмасу процесін жақсартуға өте қажетті.

ТОЛЫҒЫРАҚ »

БҰҚАРДЫҢ ДОМАЛАҚ КАРАМЕЛЬДЕРІ (БҰҚАР ШАРЛАРЫ)

...

Бұл - оралмаған, шар сияқты домалақ карамельдер. Бетінде түрлі түске боялған жолақтары болады. Беті құрғақ, қолға жабыспайды.

ТОЛЫҒЫРАҚ »

ҚОЙ МЕН ЕШКІНІҢ ҚАДІР-ҚАСИЕТІ

...

Қой мен ешкі көшпелі елдердің, соның ішінде қазақтардың ерте замандардан бері малданған түлігінің бірі һәм бірегейі. Қой түлігін қазақ негізгі байлықтың көзі санап: «Қой - байлық, жылқы сәндік», «Қойлы бай, қорлы бай» деген.

ТОЛЫҒЫРАҚ »

СУТ ЖУРЕК АУРУЫНАН ҚОРҒАЙДЫ

...

Бала кезінде сүт өнімдерін үзбей қолданған адамдар жүрек талмасымен ауырмайды екен.

ТОЛЫҒЫРАҚ »

ТАУ ЖЫНЫСТАРЫ

...

Жердегі геологиялық процестер нәтижесінде пайда болып, жер қыртысының жеке геологиялық денелерін құрайтын табиғи минералды заттар. Тау жынысының құрамы оны түзетін минералдардың мөлшерімен анықталады.

ТОЛЫҒЫРАҚ »

ШЫҢҒЫС ХАННЫҢ ҰЛЫ ИМПЕРИЯСЫ

...

Шыңғыс хан империясы - XII-XIII ғасырларда Орталық Азиядағы көшпелілер тайпасынан шыққан ұлы қолбасшы Шыңғыс хан (Темучин, 1162-1227 жж.) мен оның ұрпақтары құрған мемлекеттердің ортақ атауы.

ТОЛЫҒЫРАҚ »