UF

ӨГЕЙШӨП – ШАШҚА ЖАҒЫМДЫ

Категориясы: Өсімдікті


ӨГЕЙШӨП – МАТЬ-И-МАЧЕХА

Өгейшөп - биіктігі 15 сантиметрдей, көп жылдық, шөп тектес өсімдік. Жер астындағы тамыр сабағы етті, бұтақты, көптеген қосымша майда тамырлары бар. Көктемге қарай тамыр сабағынан бір жылдық сабақтары өсіп шығады. Мамыр айының соңына таман бұл сабақтар гүлдейді де, солып қалады. Міне, осы кезде сағақтары ұзын, ұлкен, үш бұрышты дөңгелектеу келген жасыл жапырақтары тамыр сабақтан тікелей өсіп шығады. Жапырақтары үстіңгі жағынан қарағанда қою жасыл түсті болып келеді, төменгі жақтары ақ түсті, ұйысқан қысқа әрі қалың түктері бар. Қол тигізіп көрсеңіз жоғарғы жағы суық, төменгі жағы жылы тәрізді болып сезіледі. Гүлдері сары. Гүл шоғының диаметрі 2,5 сантиметрге жуық. Ерте көктемде гүлдеп, мамыр-маусым айларында жеміс береді. Тұқымдарының жоғарғы жағы айдарлы, түкті болады. Сайларда, өзен жағаларында, аласа төбелердің етегінде өседі. Дәрілік мақсатқа өсімдіктің тамыр жапырағын пайдаланады. Құрамында туссилягин, шырышты заттар, органикалық қышқылдар, илік заттар, сапониндер, эфир майлары, аскорбин қышқылы бар.

Өгейшөптің жапырақтары тер шығарады, қабынуға қарсы әсер етеді, қақырық түсіреді. Осыған байланысты онымен асқазанның, ішектің, бүйректің, қуықтың қабынуын емдейді. Сонымен бірге өгейшөптің жапырақтары жоғарғы тыныс жолдары мен өкпе қабынуына, бронх демікпесіне, тамақ бездерінің ауруына шипа. Халық медицинасында өгейшөпті шеменді, туберкулезді, безгекті емдеуге, өт айдауға, тер шығаруға пайдаланады. Өсімдіктің жас жапырағымен дене сыртындағы іріңді жараларды, ісіктерді емдейді. Шашты қайызғақ басып, бас қышитын болса және шаш түсе бастаса екі үйлі қалақайдың және өгейшөптің жапырақтарынан бір-бір ас қасықтан алып, қайнап тұрған 1 стакан суға 20 минут тұндырады да, салқындатып алып шашты жуады. Кейбір ғалымдар өгейшөптің жапырағын гипертония, атеросклероз ауруларын емдеуге қолданып келеді.


Қолдану тәсілі. Өсімдіктің 15 грамм жапырағын 200 мл қайнап тұрған суға салып 20 минут тұндырады да, 2-3 ас қасықтан күніне 3-4 рет ішеді.

  Жарияланған-2016-07-14 22:16:41     Қаралды-241

Мәлімет сізге көмек берді ма

Загрузка...

ШАХТА ІШІНДЕ НЕ БАР?

...

Міне, мынау - шахта. Оның көтергішінің төбесінде жұлдызшасы бар мұнарасы мен мұндалап алыстан көрінеді.

ТОЛЫҒЫРАҚ »

ҚАРА ҚАРАҚАТ – ВИТАМИНДІ ӨСІМДІК

...

Қара қарақат – биіктігі 125 сантиметрге жететін, бұталы өсімдік.

ТОЛЫҒЫРАҚ »

ҚАУЫНҚАҚ

...

Еті тығыз, құрамында қанты көп қауынның қабығы аршылып, дәні алынып тасталынады да жұқалап тіліктерге тілінеді. Олар таза шыптаның үстіне бір-біріне тигізбей салынып, кептіріледі.

ТОЛЫҒЫРАҚ »

ЖАЛАҢҚАТ

...

Жалаңқат - бір қабат қалың металдан тұтас етіп соғылатын сауыт. Кеуделік және арқалық бөліктен тұрады. Пішіні жеңсіз кеудеше тәріздес, белден сәл ғана түсіп тұратын қысқа болады. Бұл екі бөлік бір бүйірінен топсалар арқылы, екінші бүйірінен және иықтары т

ТОЛЫҒЫРАҚ »

ТҰЗДАЛҒАН БАДАМ

...

Бұл - тұз себіліп қуырылған бадам. Бір килограмын жасауға 902,4 грамм бадам, 270,7 грамм тұз жұмсалады. Осындай рецептімен бадам орнына жер жаңғағы мен өрік дәндері алынып, тұз қосылып қуырылған тағамдар да жасалады.

ТОЛЫҒЫРАҚ »

САЛМАҚСЫЗДЫҚТА ТІРШІЛІК

...

Космоста адам ешқайда құламайды, мұнда «жоғарғы» жақ, «төменгі» жақ деген уғым жоқ.

ТОЛЫҒЫРАҚ »