ШҰЖЫҚ ҚАЛАЙ ДАЙЫНДАУҒА БОЛАДЫ?

Категориясы: Тағам

Шұжық дайындауға арналған жылқы еті 12 күн салқын жерге (34 градус) қойып сорғытылады, Бұл кезде шұжық тығылатын ішек те тұзды суға салынып қойылады. Шұжық үшін сан, қол, жон еттері алынады. Оған мойын еті жарамайды. Ол былай дайындалады: ет те, май да ұсақтап туралады да жақсылап араластырылады. Сарымсақ салынып, тұздалып, бұрышталады. Содан кейін тағы бір рет әбден араластырылады да ішекке тығылады. Ішектің екі ұшы іскекпен түйреліп, жіппен байланады. Сырыққа немесе керілген жіпке іліп қойылады. Осылай 34 сағат тұрғаннан жейін ол жел қағып, дегдиді. Содан соң 50–60 градус температурада қою түтінге 12–18 сағат ыстайды да, жылылығы 12 градус жерде екі–үш күн ілулі тұрған қалпы кептіріледі. 
Осылайша ысталып, сүрленген шұжық шым–шым жылы суға салып асылады. Оны отты басыңқырап қойып пісірген дұрыс. Піскеннен кейін салқындатылып, жұқа тақтай үстіне салынады да қалыңдығы 0,5–1 сантиметрдей етіліп кесіледі. Сөйтіп, жайпақ ыдысқа қиялап салынады. Ыдыстың бір жиегіне дөңгелектеп туралған пияз салуға болады. 

Құрамы: шұжық дайындау үшін 5 килограмм ет, 5 килограмм іш май, 350 грамм тұз, 10 грамм қара бұрыш, 50 грамм сарымсақ, дастарқанға қоярда 100 грамм шұжық, бір пияздың 1/5 бөлігі, 2 ас қасық көк бұршақ немесе бір ас қасық желкек.

  Жарияланған-2016-05-27 13:46:13     Қаралды-5792