UF

АЛМҰРТТАН ӘР ТҮРЛІ ТАҒАМДАР ЖАСАУ

Категориясы: Тағам


Алмұрттың жемісінде қант, пектин, илік, бояу заттар, алма және лимон қышқылдары, В1, С витаминдері бар. Бұл заттар адам тіршілігіне және организмдегі зат алмасу процесін жақсартуға өте қажетті.

Алмұрт жемісін қайнатқан суды асқазан ауруын смдеуге, буйрегі ауырған адамға зәр жүргізу үшін ішкізуге болады. Сонымен қатар ол дене қызуы көтерілгенде де шипалы. 100 г мөлшерінде 2-3 рет ішкеннен кейін одан терлеп, температурасы төмендейді. Алмұрт жемісін шикі, жас күйінше кептірілген, консервіленген күйінде пайдалануға болады. Алмұрт жемісінен компот, джем, пастила, квас, пюре, компот, шай, кофе, жеміс, сірке сусын жасауға болады.

Алмұрттан компот жасау. Компотқа толық піспеген жемістерді таңдап алып, оларды жуып, кесіп, тазалап, 85° ыссы суда 5-10 минут ұстап, әзірлеп қойған банкаларға салады да, үстіне қайнап тұрған сиропты кұяды (сиропты жасау үшін 1 литр суға 350 г қант салып қайнатады). Қақпағын жауып, кастрюльдегі ыссы суға қойып (0,5 л банканы 15 мин, литрлік банканы 40 минут) қайнату керек. Стерилизациялап болғаннан кейін банкалардың аузын бекітіп, суытады.

Алмұртты консервілеу. Қонсервілеу үшін піспеген қатты жемістер алынады. Олардың көлеміне, пісуіне қарай бөліп алады да, суық суға жуып, ортасындағы тұқымы мен оны қоршаған қатты бөлігін, сағағын, зақымданған жерін алып тастап, бірнеше бөлікке бөледі. Пішінін өзгертпей, өте жұқа етіп қабығын алып тастайды, тазалап алған жұмсағын суық суға салып, оның үстіне лимон қышқылының ерітіндісін құяды да (1 г қышқылды 1 литр суға құяды), 85° температурада 10 минут ұстайды. Сонан кейін суық сумен суытып, әзірлеп қойған банкаларға салып, үстіне қайнап тұрған су құйып, лимон қышқылын қосады (1 литрлік банкаға 1 грамм лимон қышқылы). Қақпағын жауып, литрлік банканы 20 минут, 3 литрлікті 35 минут қойып, қайнатады. Стерилизациялап болғаннан кейін банкалардың аузын жауып суытады.

Алмұрттан маринад жасау. Толық пісіп жетілмеген жемістерді жуып тазалағаннан кейін, бірнеше бөлікке бөліп, ортасындағы тұқымын алып тастайды. Сонымен қатар ұрылған жерін кесіп, қабығынан тазалайды да суық суы бар ыдысқа салады. Тазаланған жемістерді 85° температурадағы лимон қышқылының ерітіндісіне 3-4 минут ұстайды. Сонан кейін суық суға салып суытады. Литрлік банкалардың түбіне 0,5 грамм корица, 4 түйір қалампыр, 4 түйір бұрыш, оның үстіне 670 грамм қант, 5%-тік сірке суынан 120-150 г қосады. Толған банкаларды қақпақпен бастырып, ішінде 50° ыссы суы бар кастрюльге қойып (литрлік банканы 15 ми, 3 литрлікті 25 мин) қайнатып стерилизациялайды.

Стерилизациялағаннан кейін қақпағы жабылып, мықтап бекітіледі де, сол су ішінде суытылады.

Алмұртты кептіру. Алмұртты кесіп немесе тұтас күйінде кептіреді. Ол үшін ең әуелі жемісті сортқа бөліп алып, қайнап жатқан суға 12 минут салып қояды. Сонан кейін суық сумен жақсылап жуып, табаққа салып, 6-8 тәулік бойы күн түсетін жерде кептіреді. Бүтін алмұртты пеште немесе духовкада 20 сағат бойы 80-85° температурада мезгіл-мезгіл аудара отырып кептіреді. Жақсы кепкен алмұрттан шырын шықпайды. Одан компот жасау үшін, үстіне қайнаған су құйып, бір күнге жауып қояды. Сонан соң оны сүзіп алып, пайдалана беруге болады.

  Жарияланған-2016-04-07 16:35:06     Қаралды-1551

Мәлімет сізге көмек берді ма

Загрузка...

ИТМҰРЫННАН ЖАСАЛҒАН КӘМПИТ

...

Итмұрын жемістері жуылып, дәнінен тазаланады да, кастрюльге салынып, үстіне су құйылады. Сөйтіп бәсең отқа қойылып, жұмсарғанша қайнатылады.

ТОЛЫҒЫРАҚ »

ҚҰРАЛАЙ СҰЛУ БЕЛГІСІ

...

Қазақ поэзиясының жұлдызы Иса Байзақовтың «Құралай сұлу» атты поэмасы бар. Бұл поэмада Құралай сұлудың қайғылы да қасіретті тағдыры суреттеледі.

ТОЛЫҒЫРАҚ »

КҮН - ҒАЖАЙЫП ЕҢБЕККЕР

...

Күн тыным таппай, тәулік бойы, ай бойы, жыл бойы шуақ шашады.

ТОЛЫҒЫРАҚ »

ҚАШАП, ОЙЫП САЛЫНАТЫН СУРЕТТЕР

...

Ағаштан, сүйектен, тастан ойып адамның, жан-жануарлардың, өсімдіктердің бейнесін, ою-өрнектерді салуға болады.

ТОЛЫҒЫРАҚ »

АЛШАДАН ЖАСАЛҒАН КӘМПИТ (пастила)

...

Алша жемістері піскенше қайнатылып, қабығы мен дәндерінен тазалау үшін електен өткізіледі.

ТОЛЫҒЫРАҚ »

БҰЖЫ - ТІЛ ҮЙІРЕР ДӘМДІ АС

...

Жаңа сойылған малдың іш майы, өкпе–бауыр, ішек–қарны, етті мүшелегенде түскен кесінді еттер ұсақтап туралады (қазіргі кезде ет тарқыштан өткізіледі).

ТОЛЫҒЫРАҚ »