ТЕРІ МЕН БЫЛҒАРЫДАН ТІГІЛГЕН КИІМДЕР КҮТІМІ
Категориясы: Сән
Қандай киім болса да оның ажары таймай, қалы бұзылмай сақталуы киюшісіне байланысты. Дұрыс күтіп кие білген адамның киімі тозғанша өңін бермейді. Әсіресе, тері мен былғарыдан тігілген киімдерге ерекше күтім керек. Даладан келгеннен кейін бөрікті, тонды үстіңнен шешіп алып, оның шаң-тозаңын, қарын немесе жаңбырдың суын кетіру үшін және созылып, олпы-солпы болып кетпей, өзінің қалпын сақтап, біркелкі кебуі үшін оны киім ілгішке кигізіп, ыстық пештен аулағырақ жерге іліп қойған дұрыс. Егер кепкеннен кейін оның кейбір жерлерінің түгі ұйпаланып қалса, оны арнаулы темір тарақпен немесе әшейін селдір тісті тарақпен тарап жіберу керек.
Тоныңыздың сәл жыртылған яки сөгілген жері болса, оны ұлғайтпай, теріс жағынан түгін ішіне қайырып отырып, жөрмеп тіге қойыңыз. Егер жыртықтың көлемі үлкен болса, онда тері тігетін шеберханаға апарып, тіктіріп алыңыз.
Тері мен былғарыдан тігілген киімдердің бәрін де анда-санда далаға жайып қағып-сілкіп, шаң-тозаңнан арылтып тұру қажет. Кішігірім бұйымдарға (бөрік, жаға т. с. с.) тиген майлы дақтарды кетіру үшін оны бензинге шыланған шүберекпен түгінің ыңғайына қарай ысқылап сүртіңіз. Түгі кепкеннен кейін селдір тарақпен тарап жібересіз. Жүннің майдан және терден пайда болған дақтарын кетіру үшін мүсәтір спирті мен ас тұзының қоспасын (0,5 литр суға бір шай қасық мүсәтір спиртін, 3 шай қасық ас тұзын қосып аласыз) немесе денатураттанған спирт пен мүсәтір спиртінің қоспасын (теңбе-тең мөлшерде алынады) пайдаланған да жақсы. Осы көрсетілген қоспалардың біреуіне шүберекті батырып аласың да, сонымен жүннің дақ түскен жерін сүртесіз.
Бұдан соң оны кептіріп, селдір тарақпен тарап қоясыз.
Ірі бұйымдарды, мәселен, тонды тазалаудан бұрын оның астарын сөгіп алу керек. Бұдан соң оны аздап қыздырылған ағаштың үгіндісімен немесе бидай ұнының кебегімен сүртіп тазалайсыз. Тек қылқанды ағаштың үгіндісі болмасын, өйткені, олардың құрамында смолалы заттар болады. Ағаш үгіндісіне алдымен бензин құйып, сәл дымқылдап аласыз. Енді осы ағаш үгіндісінен 1-2 уыс алып, жүннің үстіне себелейсіз де, қолыңызбен ысқылайсыз. Бұдан кейін тонның басқа жеріне қарай жылжып, оны да осылай тазартасыз. Сөйтіп, тоныңыздың сыртын түгелдей тазартып шығасыз. Өте асқынып кірлеген жерлерін 2-3 қайтара сүртіп тазалайсыз. Бұдан кейін тоныңызды еппен сілкесіз де, шыбықпен соғып-соғып, түгін тазалайсыз.
Түгі ақ бұйымдарды картоптың ұнымен сүртіп тазалайсыз да, одан кейін қағып-сілкіп, түгін тартып қоясыз.
Жарияланған-2024-03-15 15:48:14 Қаралды-494
БАРЕЛЬЕФ
МҮСІН өнерінің бір түрін рельеф деп атайды. Оған бір тегіс аядан бөліне шығып тұратын бедерлі мүсіндер жатады. Рельефтің екі түрі болады.
ЖЕМІС ЧУРЧХЕЛАСЫ
Бұл - аршылған грек жаңғағынан жасалып, жеміс-мармелад қабатымен қапталатын тағам. Түтікшелердің диаметрі 35-40 мм, ұзындығы – 250-260 мм.
БИАТЛОН ТАРИХЫНАН
Биатлон ... «атлон» грекше «күрес» деген сөз. Биатлон жарысы кезінде спортшылар шаңғымен сырғанап және мылтықпен нысанына көздеп атып өнер көрсетеді.
БАС ҚАЛАНЫҢ БАҒБАНШЫСЫН БІЛЕМІЗ БЕ?
Алматы - Алатаудың іргесінде орналасқан жасыл желекті қала. Осы қаланың бау-бақшаға айналуына зор үлес қосқан бағбаншылар қатарына Э.О. Баум, П.Рурдэ, Н.Моисеев, Е. Редько және т.б. атауға болады. Ал, Алматыда бау-бақша өсіруге улес қосқан Алаш азаматтары
АДАМНЫҢ МІНЕЗ-ҚҰЛҚЫ МЕН ІС-ӘРЕКЕТІНДЕГІ ЖАҒЫМДЫ ҚАСИЕТТЕР
Адалдық - адам бойындағы кіршіксіз ақ, таза ниет, имандылық қасиет. Атам қазақ кейінгі ұрпақтың тәрбиесіне көп мән берген. «Кісінің ала жібін аттама» (яғни, ұрлық жасама), «өтірік айтпа», «біреудің ақысын жеме» деген сияқты тыйымдар арқылы балалардың адал