АСЫЛ БҰЙЫМДАРДЫ ТАЗАРТУ
Категориясы: Сән
Кірлеген алтын бұйымдарды сабын суға малып, тіс жуатын щеткамен ептеп қана ысқылайды. Ал алтын тізбекті (цепочка) сабынды су құйылған шөлмекке салып шайқап жуады. Сақина тасының айналасына кір көбірек жиналады. Сіріңке ұшына оралған мақтаны әтір, глицеринге шылап алып сүртеді. Сосын шүберекпен сақинаны ысқылайды.
★ ★ ★
Мыс пен жезден жасалған бұйымдарды жалтырату үшін 50 г 10% мүсәтір спирті, 15 г салқын сулардан жасалған қоспамен пайдаланады. Қоспаға фланель қиындысын батырып, бұйымды сүртеді.
★ ★ ★
Қарайған күміс затты қайнатылған картоп суына 10 минут салса, өзінің жарқыраған қалпына келеді.
Күміс бұйымдар көгермеу үшін оларды жуып-шайып тазартқан соң, ауа енгізбейтін полиэтилен немесе фольгаға орап ұстайды. Күмісті резинаға жақындатуға болмайды. Бірден ақ-қара дақтар қаптап кетеді.
★ ★ ★
Пластмасса білезік, моншақ, сырға, сақиналарды кәдімгі суға ғана шаяды. Сабын, кіржуғыш ұнтақ қоспайды. Кірі кетпесе, моншақтардың тізбегін ағытады.
★ ★ ★
Дүр (янтарь), піл сүйегі бұйымдарын сабынды жылы сумен жуады. Егер піл сүйегі бұйымдары сарғайып, дақтанып кетсе, хлорлы суға 10 минут салып, шүберекпен ақырын сүртіп құрғатады.
★ ★ ★
Інжу (жемчуг) тағылмаса, өзінің табиғи жалтырын жоғалтады. Інжу сақталатын қобдишаға күріштің бірнеше дәнін салып қойса, өзінің әсем нұр сәулесін ұзақ сақтайды.
★ ★ ★
Металдан жасалған затты құрғақ мыжылған газетпен сүртсе, жарқырай түседі.
Жарияланған-2024-03-02 12:52:21 Қаралды-492
КӨРКЕМ СУРЕТТЕ РАКУРС
Егер біз адамға не төменнен, не жоғарыдан қарар болсақ, оның әдеттегі кейпіне ұқсамай, өзгеріп сала бергенін байқаймыз. Өзінің денесінің бізге жақын тұрған бөлігі үлкейіп, алыс тұрған бөлігі кішірейіп кеткендей көреміз.
ҚАУЫНҚҰРТ
Қауын ортасынан жарылады. Дәні алынып тасталынады. Қабығынан аршылған еті бөлек алынып, жұқалап туралады.
КИНЗА НОГУЛЫ
Бұл - кинза дәнінен жасалатын домалақ, томпақ формалы ақ түйіршіктер. Мөлшері шпан ядросындай. Қант шырыны мен ұнға шыланды.
Юбкалардың түсінің саралануы
Kilt «киімді дене бойымен айналдыру» деп аударылады. Бірақ, заманауи килт – бұл материяның 3-8 ярдтан (7 метрден көп) тұратын аса күрделі конструкция.
ДОЛБАР ДЕГЕН НЕ?
Суретші кейін өз шығармасына керсі белгілі бір детальді, не көріністі тап онша тәптіштеп жатпай-ақ, тек сырт долбарын асығыс суретке түсіреді. Міне, мынау П. А. Федотовтың «Майордың үйленуі» деген картинасы.