ТАСШҮЙГІН – ЖҮРЕК ҚАТТЫ СОҚҚАНДА ЕМ ҮШІН ПАЙДАЛАНАДЫ
Категориясы: Өсімдікті
ТАСШҮЙГІН – ВАЛЕРИАНА КАМЕННАЯ, ПАТРИНИЯ СРЕДНЯЯ
Тасшүйгін – биіктігі жарты метрге дейін жететін, көп жылдық, шөп тектес өсімдік. Тамыр сабағы тармақталған және жуандығы 3 сантиметрге жететін тамыры, тік өсетін қысқа түктермеп жабылған сабақтары бар. Тамыр жапырақтарының сағақтары ұзын, олар сабақтарының түбінде шоғырланып тұрады. Сабақ жапырақтарының ұзындығы 10 сантиметрге дейін жетеді және қауырсын тәрізді тілімделген. Гүлдері майда, сары түсті, өсімдіктің жоғарғы жағында теп-тегіс болып шоғырланып тұрады. Гүл қоршауы қоңырау тәрізді. Мамыр-шілде айларында гүлдейді. Жартастардың бастарында, тастақты беткейлерде, тау етектерінде өседі.
Дәрі жасау үшін өсімдіктің тамыр сабағын және тамырын жаздың ортасынан бастап күздің аяғына дейін жинап алады. Оның құрамында 13 процент тритерпен сапониндері және алкалоидтер, илік заттар, қанттар, эфир майлары, органикалық қышқылдар болады.
Тасшүйгіннің тамырынан жасалған дәрілердің нерв жүйесін тыныштандыратын қасиеттері бар. Ол сапа-қасиеттері жөнінен дәрілік шүйгіншөптен артық. Ұлы Отан соғысы жылдарында тасшүйгінді дәрілік шүйгіншөптің орнына пайдалануға рұқсат етілді. Осыған байланысты өсімдікті ұйқы қашқанда, нерв жүйесі қажығанда, жүрек қатты соққанда ем үшін пайдаланады.
Дәріні дайындау және қолдану тәсілі. 10 грамм ұнтақталған өсімдік тамырын 1 стакан қайнап тұрған суға салып тұндырады да, 1 ас қасықтан күніне 2-3 рет ішеді.
Жарияланған-2016-07-15 00:44:42 Қаралды-3175
МИНЕРАЛДЫ СУ: ТЕРІГЕ ПАЙДАСЫ
Сіз минералды судың сұлулық пен жас тері үшін күресте бірегей құрал екенін білесіз бе?
АТЫ КӨСЕМ АТЫМЕН АТАЛҒАН АҒАШ
Қылқан жапырақтылардың ішінде бұл ағаштың қалың өскен орманы 1769 ж. Тынық мұхит жағалауынан табылған секвоя ағашы. Сүрегі қызыл болғандықтан екінші аты - қызыл ағаш, бұл атау осы күнге дейін аталып келеді. «Секвоя» деп Солтүстік Америкадағы үнді тайпалар
Миллионерлер Финляндияда қандай айыпұлдарды төлейді
Финляндия тағындаған ЖҚЕ бұзуға айыпұлдар тағылмаған белдік үшін немесе дұрыс тұрақтамағаны үшін 35 еуродан басталады және жылдамдықты асырғаны үшін жүздеген мың еуроға дейін барады.
КӨКПАР
Көкпар - атқа мінген топ жігіттердің қатысуымен өтетін ойын. Ойынды бастау үшін көкпаршылар белгіленген сызықтың бойына қатар түзеп тұрады. Сызықтан 50-60 адымдай жерге көкпар тасталынады.
ҚҰЙРЫҚ-БАУЫР: ДАЙЫНДАУ ТӘСІЛІ
Қойдың құйрық майы мен бауыры салқын сумен жуылып, тазартылады. Содан соң қазанға су құйылып, отқа қойылады.
БІРҚАЗАН
Бірқазан - өте ірі құс. Дене пішіні салмақты, әсіресе, тұмсығы өте ұзын. Тұмсығының астыңғы жағында азық жинайтын созылғыш тері қапшығы болады. Олар Қазақстанның қопалы өзен-көлдерінде кездеседі. Бірқазандар топтанып, көп болып тіршілік етеді.