ЭРЕБУНИ

Категориясы: Тағам

---

Бұл - ішіне дәм қабық пен ванилин салынып қабатталған қамырдан жасалатын шығыстың жаңадан шығарылған тәтті тағамы.

Араластыратын машинаға температурасы 28-30 градус су құйылып, ашытқы, тұз, жұмыртқаның сары уызы, жұмсарған сарымай салынып, бәрі мұқият араластырылады. Содан соң біркелкі болып шыққанша 10-15 минут бойы қамыр иленеді. Ол 25-35 минут бойы ұсталып, содан кейін бөлінеді. 4-5 килограмнан бөлінген қамыр жайылады, маймен майланады да конверт сияқты етіліп жиналып, температурасы 4 градус тоңазытқышқа қойылып, 20 минут ұсталады. Қамыр қабаттарының арасына жағылатын май алдын-ала 10:1 қатынастағы ұнмен араластырылып, қамыр илейтін машинада дайындалады.

Қамыр бөліктері жайылады да араға жарты сағаттан салынып, бір-бірінің үстіне қойылады. Бұнымен бір мезгілде арасына салатын заттары да дайындалады. 8-10 градусқа дейін салқындатылған сарымай құм шекермен, дәм қабықпен, ванилинмен қосылып, үгіледі де ылғалдылығы 8-10 процентке жететін біркелкі үгілгіш масса болып шыққанша араластырылады.

Қамыр қабаты үш бұрышты етіліп жүзі қисық пышақпен кесіледі. Оның беті шырша бұтақтарына ұқсайтын бедерлер салынып әсемделеді.

Бұл тағам температурасы 200-220 градус пеште 20-25 минут пісіріледі. Жеке ыдысқа салынып та немесе тұтастай да шығарылады. Сырты әдемі қорапқа салынады. Бір килограмында кемінде 15 данасы болады. Ылғалдылығы 11-13 процент.

Бұл тағамды дайындау технологиясының ерекшеліктері 1 тонна дайын өнімнен 20 килограмм май үнемдеуге мүмкіндік береді. Сондай-ақ өнім сапасы да жақсы болады. Қамыр қабатын жақсылап жаю есебінен тағамның қабаттары да жақсы болып шығады.

Шикізат әркімнің қалауынша.

  Жарияланған-2016-03-02 15:54:56     Қаралды-1912

Мәлімет сізге көмек берді ма