ЖАЙЫН

Категориясы: Жануарлар

---

Балықтар - желбезектерімен тыныс алын, суда тіршілік ететін су жануарлары. Олар омыртқалы жануарларға жатады. Адам үшін балықтардың маңызы зор. Олардың еті мен уылдырығы тамаққа, майы құрамында дәрумен көп болғандықтан, дәріге пайдаланылады. Жасанды көлдер мен тоспа суларда балықтарды көбейту жұмысы жүргізілуде. Олардың көптеген түрлері сәндік үшін аквариумда өсіріледі. Қазақстан суларында балықтардың 140 түрі кездеседі.

Жайынның басы жалпақ, екі ұртында ұзынша келген екі мұртшасы болады. Оның салмағы 300 килограмға, ұзындығы 5 метрге жетеді. Осындай алып балықтар 80-100 жылға дейін тіршілік етеді.

Жайын - жыртқыш балық. Ол корек талғамайды, бақалардан бастап ірі шортандарға дейін жейді. Реті келсе, үйрек, қаз, т.б. су құстарына да шабуыл жасайды. Жайындар жалқау, баяу қимылдайды. Жемін ұстау үшін әр түрлі амал-айла қолданады. Ол жасырынып тұрады да, мұртшаларын қимылдатады. Мұртшалары құрт тәрізді жыбырлайды. Оны балықтар құрт екен деп жемекші болғанда, аңдып тұрған жайын оларды жеп үлгіреді. Кейде олжасын құйрығымен соғып, есеңгіретіп те ұстайды.

Күз болып, күн суыта бастаған кезде жайындар су тереңіне жиналады. Әсіресе, өзен мен көлдердің суы қатқанда, жайын судың түбіндегі жұмсақ құм, қиыршыққа басын тығып, ұйқыға кіріседі.

  Жарияланған-2015-11-26 14:45:34     Қаралды-11318

Мәлімет сізге көмек берді ма