МИНИАТЮРА ҚАЙ КЕЗДЕ КЕЗДЕСЕДІ?
Категориясы: Өнер
Ескі қолжазба кітаптардың беттерінде айтылып отырған оқиғаны бейнелейтін суреттер кездеседі. Ондай суреттерді миниатюра деп атайды. Әлгі суреттердің көлемі шағын болса да, суретші ондағы ең бір елеусіз нәрселердің өзін мүлт жібермей, тәптіштеп көрсетеді.
Олар суретті аса нәзік жіңішке қыл қаламмен не құстың қауырсынымен салған. Суретшілер бір кітапты бірнеше айлар бойы көркемдеген, одан кейін арнаулы шеберлер оған алтын шайып, әшекей жүгірткен.
Өте ұқыптылықпен безендірілген, бояулары сондай айқын миниатюралар өзінің әдемілігімен көз тартады. Парсы суретшілері адамдарды, жан-жануарларды, көшелерді, бақтарды, гүлдерді соншалықты байыппен зерттеп, асқан шеберлікпен бейнелейді. Құстардың қауырсындары да, ағаштардың жапырақтары да, киімдегі ою-өрнек те соншалықты дәл, соншалықты әсем.
Лондондағы Британ музейінде парсы миниатюраларының үлкен қоры жинақталған.
Олардың айшықты да әсем бояулары әлі күнге көздің жауын алады. Ағаштан, металдан, піл сүйегінен жасалған кішкентай тақташаларға салынған портреттерді де миниатюра дейді. Олар әдетте майлы бояумен, акварель не гуашь бояумен салынады. Ондай портреттер салу әсіресе XVIII ғасырда өте өрістеген.
Бұл өте ұқыптылықты, еңбек сүйгіштікті қажет етеді. Суретші тақтайшаға үлкейткіш айна - лупамен үңіліп отырып сурет салады.
Жарияланған-2016-11-16 19:37:11 Қаралды-3180
АХМЕТ БАЙТҰРСЫНҰЛЫ (1873-1938)
Ахмет Байтұрсынұлы Қостанай облысы Торғай өңіріндегі Сарытүбек деген жерде туған. Ол жасынан зерек, сергек болып өседі. Ауыл молдасынан сауатын ашады. Он үш жасында жетім қалып, тағдырдың талқысын көп көреді.
БАЯН БАТЫР
Баян батыр қазақ-жоңғар шайқасына қаншама рет атой салып кірген. Жекпе-жек ұрыстарда жаудың талай батырын жер жастандырған. Осындай көзсіз ерліктері үшін халық «Батыр Баян» деп атап кеткен. Батыр Баян қалмақтармен болған ірі соғыста ағасы Сарымен бірге ше
АТ СПОРТЫ ТАРИХЫНАН
Моторсыз, аттың күшін пайдаланып жарыс жолына шығу жүректілер ісі деуге әбден болады.
ЖАҢҒАҚ ДӘНІ САЛЫНҒАН ҚУЫРМА (печенье)
Өсімдік майынан, қанттан, жаңғақтан, ұннан және цедра мен жарты лимонның шырыны қосылып қамыр иленеді. Ол төрт-бес бөлікке бөлініп, жарты сантиметрдей қалыңдықта жайылады.
ҚЫЗЫЛ КІТАПҚА ТІРКЕЛГЕН ҚАЙЫҢ ТҮРЛЕРІ
Қазақстанның 1981 жылы жарық көрген Қызыл кітабына қайыңның 3 түрі - қызыл кайың, талас қайыңы және Ярмоленко қайыңы тіркелген. Бұл үшеуі де әрі сирек кездесетін, әрі шағын жерлерде ғана өсетін эндемик түрлерге жатады.