КҮНЖІТ НУГАСЫ
Категориясы: Тағам
Бұл - шайқалған кәмпит массасына күнжіт қосылған тағам.
Күнжіт дәні алдымен бөгде қоспаларынан мұқият тазаланады. Қант-сірне шырынына белок қосып шайқап, үстіне күнжіт дәні себіледі. Дайын болған масса алдын ала сарымаймен майланып қойылған столдың үстіне төгіліп салқындатылады, содан соң ол әрбір бөлегі 2-3 килограмнан келетіндей етіліп бөлінеді де диаметрі 25-30 миллиметрдей етіліп, аздап қуырылған күнжіт дәнінің үстіне батон сияқты немесе төрт бұрышты жолақ етіп жайылады. Содан соң оларды дөңгелектеп, төрт бұрыштап кесу керек. Олардың әрқайсысының салмағы 35-40 грамнан келуге тиіс.
Салқындаған соң тағам алдын-ала қағаз төселіп қойылған кондитер астаушаларына салынады.
Бір килограмм күнжіт нугасын жасауға 447,8 грамм құм шекер, 268,7 грамм сірне, массаға салатын 304,5 грамм қуырылған күнжіт дәні, 35,8 грамм үстіне себетін қуырылған күнжіт дәні, 40,3 грамм белок, 0,2 грамм ванилин және столды майлауға кететін 1,6 грамм сарымай жұмсалады.
Тағамның түсі ақ, дөңгелек, төрт бұрышты немесе таяқша формалы, арасынан қуырылған күнжіт дәндері көрініп тұрады. Бетіне де күнжіт дәні себілген. Дәмі қуырылған күнжіт дәнінің дәміндей. Ылғалдылығы - 5,5-7,5 процент.
Жарияланған-2016-03-01 11:55:30 Қаралды-3580
ЖАҚТАУ
Суретші кенепке (холст) сурет салу үшін, ол теп-тегіс боп керіліп жату керек. Ол үшін жақтау жасалады.
ДАУЬІЛ
Дауыл - стихиялық апаттардың қауіпті түрлерінің бірі, ол халық шаруашылығына орасан зор зиян келтіріп, кейде адамдар арасында құрбандықтар тудырады.
БАНКНОТАЛАРДА ҚАНДАЙ ЗИЯНКЕСТЕР ӨМІР СҮРЕДІ?
Бірнеше жыл бұрын Оксфорд университетінің ғалымдары қызықты зерттеу жүргізді.
АСЫЛ МЕТАЛДАР
Асыл металдарға алтын, күміс, платина және осы платина тобына жататын иридий, осмий, палладий, рутений және радий металдары жатады. Басқа металдарға қарағанда, асыл металдар химиялық әсерлерге тұрақтылығымен, оңай иілгіштігімен (алтын, күміс), баяу балқығ
