ЖҮЗІМ ОЙЛАСЫ

Категориясы: Тағам

---

Бұл - қайнатылған жеміс массасы мен жаңғақтан дайындалып, бадаммен және грек жаңғағымен әсемделген тағам.

Үккіштен өткізген жүзім массасын және өрік сүйегінің дәнін қант-сірне шырынымен қосып қайнатып жасалады. Сыртын әсемдеуге арналған бадамның қабығы аршылады.

6-7 килограмнан жәшікке салып, формаға келтіріледі. Ойла салқындағаннан кейін бүйір жақтарына өрік сүйегінің ұнталған дәні себіледі. Содан соң қайтадан жәшікке салынады.

Бір килограмм тағам жасауға 411,2 грамм қант, 41,1 грамм сірне, 411,2 грамм жүзім, 12,3 грамм грек жаңғағы, 24,7 грамм бадам, 143,9 грамм өрік сүйегінің дәндері және 2,1 грамм лимон қышқылы жұмсалады.

Жүзім ойласының ылғалдылығы – 10-11 процент, ең ұзақ сақталатын мерзімі - 2 ай.

Жәшіктен алынған ойланың формасы төрт қырлы, ұзындығы 340, ені 240 және қалыңдығы 70 миллиметр кесек болып келеді.

Інжір ойласы да, жүзім ойласы да қоңыр түсті, ішіне өрік сүйегі тығылған, созылыңқы былқылдақ тағам. Ол, міне осы талаптарға сай келу керек.

Дайын тағамдар құрғақ, желдетіліп тұратын, температурасы 16-18 градус және ауасының салыстырмалы ылғалдылығы 60-75 процент бөлмеде сақталуы тиіс. Сонда ол 2-2,5 ай бойы бұзылмайды.

Егер тағамды өте ылғалды орында сақтаса, ол дымқыл тартып, сапасы да, дәмі де, сыртқы формасы да нашарлап кетеді. Ал егер тым ыстық жерде сақтаса, тағам құрғап, кеуіп қалады. Соның салдарынан тығыздығы артады. Бұл да оның сапасына қатты нұсқан келтіреді.

  Жарияланған-2016-03-01 11:42:43     Қаралды-2203

Мәлімет сізге көмек берді ма